گه‌ڕان

Shadow Shadow
سیاسه‌تی

ئەردۆغان وادەیەک بۆ بەردەستبوونى ڤاکسین دیاریدەکات

2020.10.30 - 23:54
ئەردۆغان وادەیەک بۆ بەردەستبوونى ڤاکسین دیاریدەکات

ناس کورد-

 

رەجەب تەیب ئەردۆغان سەرۆک کۆماری تورکیا ، رایگەیاند، پلانیان وایە لە کۆتایی ئەمساڵەوە زاناکانیان پێکوتەیەک یان چەند پێکوتەیەکی گونجاو پێشکەشی ھاوڵاتییانیان بکەن.

 

 

بەپێی ئاژانسى ئەنادۆڵى تورکی، ئەردۆغان وتویەتى  (30ى تشرينى يەكەمى 2020) "پشتیوان بەخودا لە مانگەکانی بەھاردا دەگەینە ئاستێک کە بتوانین بە پێکوتەی خۆمان ھاووڵاتییانمان بکوتین"

 

باسى لەوەشکردووە "بەئەرێنی وەڵامی داوای ١٥٥ وڵات و ھەشت رێکخراوی نێودەوڵەتییمان بۆ دابینکردنی پێداویستی پزیشکی داوەتەوە و بەمشێوەیە تواناکانی خۆمان لەگەڵ بەشکردوون".

 

ئەوە لەکاتێکدایە چەندین کۆمپانیا و وڵات لە وڵاتانى جیاجیا لە کێبڕکێدان بۆ بەرهەمهێنانى ڤاکسین، بەڵام هێشتا ڤاکسینێک کە جیهان پشتى پێ ببەستێت بەرهەمنەهێنراوە.

 

دوو رۆژ لەمەوبەریش سندوقى سەروەرییەکانى ڕوسیا لە راگەیەنراوێکداکە وێنەیەکى دەست ناس کورد کەوتووە رایگەیاند، داواکارییەکیان پێشکەشى ڕێکخراوى تەندروستى جیهانى کردووە بۆ ئەوەى بەپەلە پشت بەو ڤاکسینە ببەسترێت کە ڕوسیا بەناوى سپۆتینگ ڤى بەرهەمیهێناوە.  

  

ئاماژەى بۆ ئەوەش کردووە، ڕوسیا یەکەم وڵاتانى جیهانە ئەو داوکارییەى لە ڕێکخراوى تەندروستى جیهانى کردووە.  

  

سندوقى سەروەرییەکانى ڕوسیا  ڕوونیکردووەتەوە، پەلەکردن لەتۆمارکردنى ڤاکسینەکە بەپێى ڕێنماییەکانى ڕێکخراوەکە وادەکات ڤاکسینەکەى ڕوسیا لەکورتترین کاتتدا بۆ هەموولایەک بەردەستبێت ئەگەر ڕێکارەکان تێپەڕێنرێت.  

  

لەسەرەتاى مانگى ئابى ئەم ساڵدا، ڕوسیا پێشخستن و تۆمار کردنى یەکەم ڤاکسینى دژە کۆرۆناى ڕاگەیاند کە لەلایەن ناوەندى گەمالایا بۆ توێژینەوە لەمۆسکۆ و وەزارەتى بەرگرى ڕوسیاوە بەرهەمهێنراوە، ئەوەش کاردانەوەى زۆرى لێکەوتەوە.