گه‌ڕان

Shadow Shadow
سیاسه‌تی

نوێنەری خامنەیی لە سوپای پاسداران داوا دەکات وەڵامی ماکرۆن بدرێتەوە

2020.10.30 - 14:14
App store icon Play store icon Play store icon
نوێنەری خامنەیی لە سوپای پاسداران داوا دەکات وەڵامی ماکرۆن بدرێتەوە

ناس کورد-

شێخ شیرازی، نوێنەری ڕابەری شۆڕشی ئێرانی لە ناو سوپای پاسداران ڕایگەیاند، "پێویستە جیهان وەڵامی هەنگاوە گەمژانەكانی ماكرۆن بدەنەوە".

کەناڵی ناس کورد لە تێلیگرام جۆین بکە   

 

شیرازی لە ڕاگەیەنراوێکدا كە ناس كورد دیویەتی (30 تشرینی یەكەمی 2020) جەخت لەوە دەكاتەوە "كارە پیسەكانی ماكرۆن سەركۆنەكراوە لەلایەن ژیرەكانەوە، پێویستە جیهانیش وەڵامی هەنگاوە گەمژانەكانی ماكرۆن بدەنەوە، بۆ ئەوەی ببێتە پەند بۆ ئەوانەی خۆیان بەزل دەزانن".

 

تۆڕی کۆمەڵایەتی ئینستاگرام هەژماری فەرمی ماڵپەڕی ڕاگەیاندنی عەلی خامنەیی، ڕێبەری باڵای ئێران بە زمانی فەڕەنسی داخست.  

  

شەوی چوارشەممە، عەلی خامنەیی لە پەیامێکی کورتدا لەو هەژمارەوە داوای لە گەنجانی فەڕەنسی کردبوو کە لە سەرۆک کۆماری خۆیان پرسیار بکەن کە بۆچی لە سووکایەتی بە پێغەمبەری ئیسلامی (د.خ) پاڵپشتی دەکات و ناوی ئازادی ڕادەربڕینی لەسەر دەنێت، بەڵام گومانکردن لە هۆلۆکۆست لەوێ تاوانە و ئەگەر کەسێک شتێک لە بارەیەوە بنوسێت ئەبێ بچێتە زیندان."  

  

بەهۆی ئەو لێدوانەوە، کۆمپانیای فەیسبوک کە خاوەنی تۆڕی کۆمەڵایەتی ئینستاگرامە هەژمارەکەى خامنەیی داخست و دواتر بەرپرسانی نوسینگەی ڕاگەیاندنی خامنەیی هەژمارێکی تریان کردەوە.