ڤاتيكان و ئەزهەر لەسەر هێرشەكەى فەرەنسا هەڵوێستی خۆیان ڕاگەیاند

ناس کورد-

ڤاتيكان ئيدانەی هێرشەكەى نيسى فەرەنسا دەكات و تەئكيد دەكاتەوە تيرۆر و توندڕەوى هەرگيز قبوڵ ناكرێت، زانكۆى ئەزهەريش بەتوندى ئيدانەى هێرشەكە دەكات و پێى وايە، پێچەوانەى ڕێنماييەكانى سەرجەم ئايينە ئاسمانيەكانە.

کەناڵی ناس کورد لە تێلیگرام جۆین بکە   

ماتيۆ برۆنى، وتەبێژى ڤاتيكان (پێنجشەممە 29ى تشرينى يەكەمى 2020) بڵاويكردوەتەوە، هێرشەكەى فەرەنسا مردنى لە جێگاى خۆشەويستى بڵاوكردەوە كە ماڵى خودايە، ساتى ئازارە و هەرگيز ناتوانرێت تيرۆر و توندوتيژى قبوڵ بكرێت."

باسى لەوەشكردوە، پاپا فرانسيس ئاگادارى هێرشەكەيە و نزا بۆ قوربانيەكان دەكات، هيواخوازيشە گەلى فەرەنسى بە يەكگرتوويى و بە خێر وەڵامى شەڕ بداتەوە.

لاى خۆشيەوە زانكۆى ئەزهەر ئيدانەى هێرشەكەى كردووە و لە ڕاگەیەندراوێکی فەرميدا تەئكيدى كردوەتەوە، بەهيچ شێوەيەك لە شێوەكان ئەو كارە تيرۆرستييە پاساوى نييە و پێچەوانەى ڕێنماييەكانى ئيسلام و سەرجەم ئايينە ئاسمانيەكانە.