گه‌ڕان

Shadow Shadow
سیاسه‌تی

کەسێکیش دەستگیرکرا

هێرشکرایەسەر کونسڵخانەیەکی فەڕەنسا و قوربانی لێکەوتەوە

2020.10.29 - 17:30
هێرشکرایەسەر کونسڵخانەیەکی فەڕەنسا و قوربانی لێکەوتەوە

ناس کورد-

لەشاری جددەی وڵاتی سعودیە کەسێک بە چەقۆوە هێرشیکردەسەر کونسڵخانەی فەڕەنسا لەو وڵاتە و پاسەوانێکی بریندارکرد.

 

تەلەفزیۆنی فەرمیی سعودیە (پێنجشەممە 29ی تشرینی یەکەمی 2020) بڵاویکردەوە: "لەشاری جددە، هاووڵاتییەکی سعودی بە چەقۆ هێرشی کردووەتەسەر پاسەوانی کونسڵخانەی فەڕەنسا و لە ئەنجامدا بە سوکی برینداری کردووە."

 

ئاماژەی بەوەشكردووە، تۆمەتبارەکە لە چلەکانی تەمەنیدایە و دوای ڕووداوەکە لەلایەن پۆلیسەوە دەستگیرکراوە و پاسەوانەکەی کونسڵخانەی فەڕەنساش گوازراوەتەوە بۆ نەخۆشخانە.

 

هاوکات، باڵیۆزخانەی فەڕەنسا لە ڕیاز، لەگەڵ ئیدانەکردنی هێرشەکەدا، داواشی لە هاووڵاتیانی فەڕەنسا لەو وڵاتە کردووە ئاگاداری خۆیان بن. 

 

ئەوەش لەکاتێکدایە، هەر ئەمڕۆ لەشاری نیس-ی فەڕەنسا، لەبەردەم کڵێسای نۆتردام، هێرشێکی دیکە بە چەقۆ ئەنجامدرا و لە ئەنجامدا سێ کەس کوژران.

 

ماوەیەكە پەیوەندی جیهانی ئیسلامی و كۆماری فەرەنسا گرژی زۆر بەخۆیەوە دەبینێت، لەدوای سەربڕینی مامۆستایەكی فەرەنسی كە كاریكاتێری لەسەر پێغەمبەری ئیسلام كردبوو قەیرانەكە قووڵتر بووەتەوە.        

 

لەدوا پێشهاتی ئەو ئاڵۆزییەشدا ماكرۆن هەڵمەتێكی گەورەی بەرپاكردووە بۆ دژایەتی دیاردەیەك كە ناوی ناوە "تیرۆری ئیسلامی" لەم میانەیەشدا رێگەی داوە بە نمایشكردنەوەی كاریكاتێرەكان كە موسوڵمانەكان بە سوكایەتی و بێڕێزی دژ بە پێغەمبەری لەقەڵەم دەدەن.