گه‌ڕان

Shadow Shadow
سیاسه‌تی

حەوت چەكداری داعش لەسنوری كۆیە گەمارۆ دراون

2020.10.29 - 15:10
App store icon Play store icon Play store icon
حەوت چەكداری داعش لەسنوری كۆیە گەمارۆ دراون

 ناس كورد-

لەسنوری نێوان شارۆچكەی كۆیە و شاری هەولێر- كەركوك، لەئێوارەی دوێنێوە حەوت چەكداری رێكخراوی داعش گەمارۆ دراون و تائێستا چارەنووسیان نادیارە.

 

کەناڵی ناس کورد لە تێلیگرام جۆین بکە   

یوسف حەسەن، قایمقامى کۆیە بە ناس كوردی راگەیاند (29ى تشرینى یەکەمى 2020)، ئەو حەوت چەكدارەی رێكخراوی داعش رەنگە پاشماوەی ئەو چەكدارانە بن كە هەفتەی رابردوو سێ گەنجی ناوچەی شێخ بزێنیان لەگوندی شەوگێڕ شەهیدكرد و سوتاندیانن، دواتر هێزی پێشمەرگە چوونە ئەوێ، بەڵام ئێوارەی دوێنێ زانیاری هەبوو كە ئەو چەكدارانە دەیانەوێت بۆ بەری گوندی سێگردكان بپەڕنەوە.

 

وتیشی "چەكدارەكان پەڕیبونەوە، بەڵام لەو ناوچەیە كەسێكی لێ بووە ویستویەتی بۆ باخەكەی بڕوات، چەكدارانیش وایانزانیوە بۆ ئەوان دەڕوات بۆیە تەقەیان لێكردووە، ئەو كەسەش چەكی پێ بووە و تەقەی لێكردوونەتەوە".

 

بەوتەی قایمقامى کۆیە، لەئێوارەی دوێنێوە هێزی ئەمنی و دوو هێزی پێشمەرگە و خەڵك و خۆبەخشان لەنێوان ناوچەكانی سێگردكان و شێخ بزێنی و پردێ كۆبوونەتەوە و گەمارۆیان داون، بەڵام تائێستا چارەنووسیان نادیارە.