ناس كورد-
وەزارەتی ئەوقاف و كاروباری ئاینی حكومەتی هەرێمی كوردستان رایگەیاند، بەهۆی بڵاوبوونەوەی ڤایرۆسی كۆرۆناوە سبەینێ بەبۆنەی رۆژی مەولود، هیچ چالاكییەك لەمزگەوتەكان ئەنجام نادرێن.
کەناڵی ناس کورد لە تێلیگرام جۆین بکە
نەبەز ئیسماعیل، وتەبێژی وەزارەتی ئەوقاف و كاروباری ئاینی حكومەتی هەرێمی كوردستان بە ناس كوردی راگەیاند (28ى تشرینى یەکەمى 2020)، لەسەر بڕیاری لیژنەی باڵای روبەڕوبونەوەی ڤایرۆسی كۆرۆنا سبەینێ هیچ یادكردنەوە و ئاهەنگ و بۆنەیەك بەبۆنەی یادی لەدایكبوونی پێغەمبەری ئیسلام (محەمەد د.خ) بەڕێوە ناچێت، لە هەر شوێنێكیش چالاكی بكرێت دەكەوێتەوە سەر ئیدارە و پارێزگاكانی ئەو ناوچانە بۆ وەرگرتنی رێكاری پێویست.
هەر بەبۆنەی یادی لەدایكبوونی پێغەمبەری ئیسلام، حكومەتی هەرێم بڕیاریدا سبەینێ لەسەرجەم دام و دەزگاكان بكرێتە پشووی فەرمی.
