گه‌ڕان

Shadow Shadow
سیاسه‌تی

بەڤیدیۆ؛ هاوشێوەی فیلمە سینەماییەکان گڕی لە ئۆتۆمبێلە 17 دەفتەرییەکەی بەردا

2020.10.27 - 00:03

ناس کورد-

لەسەر شێوازی دەرهێنانی فیلمە سینەماییەکان، ئەستێرەیەکی تۆڕە کۆمەڵایەتییەکانی ڕوسیا ئۆتۆمبێلە گەرانبەهاکەی کە لەجۆری ماڕسیدسە و نرخی 17 دەفتەر دۆلارە سوتاند، گرتە ڤیدیۆکەشی لە تۆڕە کۆمەڵایەتییەکان بڵاوکردەوە.

 

بەگوێرەی هەواڵێکی ماڵپەڕی"حورە"ی ئەمریکی ( 26ی تشرینی یەکەمی 2020) کە ناس کورد بە داواداچوونی بۆ کردووە: "میخائیل لتڤین کە یەکێکە لە ئەستێرەکانی تۆڕە کۆمەڵایەتییەکانی ڕوسیا، لەگرتە ڤیدیۆیەکدا کە لەسەر شێوازی دەرهێنانی فیلمەکانی هۆڵیود تۆماری کردووە، ئۆتۆمبێلەکەی کەجۆری مارسیدسە وبەهاکەی 17دەفتەر دۆلارە بردە پانتاییەکی سەوز و ئاگری تێی بەردا".

 

لەگرتە ڤیدیۆیەکەدا، لتڤین چەند دەبەیەکی سووری پڕ لە بەنزین لەسندوقی ئۆتۆمبێلەکە دەهێنێتە دەرەوە و دەیانکات بەئۆتۆمبێلەکەدا و دواتر لەمەودایەکی دوورەوە و بە چەرخێک گڕی لێ بەردەدات، دوای گڕدانی ئۆتومبێلەکەش سەرقاڵی خواردن دەبێت.

 

بەگوێرەی ماڵپەڕی حورە: "لتڤین هۆکاری ئەنجامدانی ئەو کارەى گەڕاندووەتەوە بۆ ئەوەی کە زۆر لەئۆتۆمبێلەکەی بێزاربووە، چونکە زۆربەی کات پەکی دەکەوێت".

 

 دوای سوتاندنی ئۆتۆمبێلەکەی، لتڤین بە ئۆتومبێلێکی جۆری لادای ڕوسی مودیل کۆن شوێنە بەجێدەهێلێت.