گه‌ڕان

Shadow Shadow
سیاسه‌تی

ڤیدیۆ؛ بایدن بەهەڵە ناوى ترەمپى برد و ژنەکەى بە چپەوە بۆى ڕاستکردەوە

2020.10.26 - 18:58

ناس کورد-

لەپەخشێکى ڕاستەوخۆدا لەڕێگەى ئۆنلاینەوە کە بایدن بەئامادەبوونى هاوسەرەکەى ئاڕاستەى لایەنگرانى کرد، بەهەڵە ناوى ترەمپى هێنا و لەبرى ئەو ناوى جۆرج بۆشى باوکى برد، دواتر هاوسەرەکەى بەچپەوە ئەو هەڵەیەی بۆ ڕاستکردەوە و ئەوەش کاردانەوەى تۆڕە کۆمەڵایەتیەکانى لێکەوتەوە.

 

جۆ بایدنى تەمەن 77 ساڵ لەگەڵ ژیڵى هاوسەریدا لەڕێگەى ئۆنلاینەوە پەیامێکى ئاڕاستەى کۆبوونەوەیەکى لایەنگرانى کرد کە بۆ پشتیوانى لەهەڵبژاردنى سەرۆکایەتیى ئەمەریکا کە بڕیارە مانگى داهاتوو بەڕێوەبچێت سازکرابوو.

 

بایدن ئاماژەی بەوەکرد :" هەڵبژاردنەکان بایەخێکى زۆریان هەیە، نەک تەنها لەبەر ئەوەى من کاندیدم بۆ سەرۆکایەتى، بەڵکو بەهۆى ئەوەى لەبەرامبەردا کێ خۆى کاندید کردووە و هەڵبژارنەکە بۆ ماوەیەکى دوور درێژە  پڕ بایەخترە". 

 

بایدن لەوتنى ناوى ترەمپدا هەڵەى کرد و ناوی جۆرج بۆشی هێنا، لەوکاتەدا چەند جارێک بەچپە و بێ ئەوەى لێو بلەرێننێتەوە هاوسەرەکەى ناوى ترەمپى هێنا وەکو هەوڵێک بۆ ئەوەى هەڵەى زمانەوانى هاوسەرەکەى ڕاستبکاتەوە کە ناوى ترەمپى بەهەڵە هێنا.

 

دواتر وەکو ئەوەى بایدن هەستى بەهەڵە زمانەوانیەکەى  کردبێت ووتى :" خۆمان لەهەڵوێستێکدا دەبینینەوە کاتێک ترەمپ هەڵبژێردرا ئەوا لەجیهانێکى جیاوازتردا دەبین". 

 

ڕوداوى هەڵە زمانەوانیەکەى بایدن لەتۆڕە کۆمەڵایەتیەکان کاردانەوەى لێکەوتەوە و ژمارەیەک لە ئەمەریکیەکان لاقرتێ بەو هەڵەیەى بایدنەوە دەکەن.