گه‌ڕان

Shadow Shadow
سیاسه‌تی

ئەردۆغان داوا دەکات ’’با بەدەم موسڵمانانی فەڕەنساشەوە بچین’’

2020.10.26 - 17:48
ئەردۆغان داوا دەکات ’’با بەدەم موسڵمانانی فەڕەنساشەوە بچین’’

ناس کورد-

ڕەجەب تەیب ئەردۆغان، سەرکۆماری تورکیا،  هێرشی توندی کردەسەر وڵاتانی ئەوروپی و پەیامێکی ئاڕاستەکردن، ڕاشیگەیاند، ماکرۆن مێشکی نەخۆشە و با بە هەمووانەوە بەدەم موسڵمانانی فەڕەنساشەوە بچن.

 

ئەردۆغان لە میانی بەشداریکردنی لە بەرنامەی کردنەوەی هەفتەی مەولودی نەبەوی لە ناوەندی کولتوور و کۆنگرەی گەل لە بەشتەپە، وتارێکی پێشکەش کرد.

 

سەرکۆماری تورکیا لە وتارەکەیدا ڕایگەیاند: ''لێرەوە بانگەواز لە سەرکردەکانی جیهان دەکەم و دەڵێم وەرن ئەگەر لە فەڕەنسا ستەم لە موسڵمانان دەکرێت با هەموو بەیەکەوە بەدەم ئەوێشەوە بچین''.

 

وتیشی: ''لێرەوە بانگەواز لە گەلەکەم دەکەم کە هەرگیز کەلوپەلی فەڕەنسی نەکڕن''.

 

سەرکۆماری تورکیا ئاماژەی بە هەڵوێستەکانی سەرکۆماری فەڕەنسا، ئیمانوێل ماکرۆن کرد و رایگەیاند: ''بە هاندانی سەرکردەکەی فەڕەنسا کە مێشکی پێویستی بە کۆنترۆڵکردن هەیە دەستکراوە بەو پەلامارانە''.

 

رەجەب تەیب ئەردۆغان ئاماژەی بەوەشكرد: ''بانگەواز لە راوێژکار مێرکڵ دەکەم، خۆ لای ئێوە ئازادی ئایین هەبوو، خۆ لای ئێوە دڵنیایی دەوڵەت هەبوو دژ بەوەی بە ئایین یان شوێنکەوتوانی دەکرا؟ باشە چۆنە لە نوێژی بەیانییدا زیاتر لە ١٠٠ پۆلیس پەلاماری مزگەوت دەدەن؟ تەواو بە پێچەوانەوە ئەوانەوە تا ئەمڕۆ لە تورکیاتانەوە بیستووە؟ نەخێر، بۆچی، لەبەرئەوەی لای ئێمە ئازادی راستەقینەی ئایین هەیە''.

 

ئەردۆغان وتیشی: ''دوژمنایەتیکردن ئیسلام و موسڵمانان لە وڵاتانی ئەورووپادا، بەتایبەتی لە سایەی سەرۆک دەوڵەتەکانەوە بووەتە سیاسەتێکی پاڵپشتیکراو، ئێوە بە واتای راستەقینە فاشیستن، ئێوە بە واتای راستەقینە ئەڵقەی زنجیری نازیین''.

 

سەرکۆماری تورکیا سەبارەت بە رووداوەکانی رۆژانی رابردوو باسی لەوەکرد:  ''ئەو رووداوانەی لەم رۆژانەی دواییدا روویاندا، ئەو سنووربەزاندنانەی لە ئاستی سەرۆک دەوڵەتەکاندا کران، ئەو پەلامارانەی پۆلیس کە لە میانی نوێژی بەیانیدا کرانە سەر مزگەوتەکان بە رووداوی ئاسایی نابینین''.

 

جەختیشیکردەوە: ''رەگەزپەرستیی و دوژمنایەتیکردنی ئیسلام لەلایەن هەرکەسێکەوە جا لە هەر پۆست، پلە و پایەیەکدا بێت ئەو کەسە نەخۆشی مێشکی هەیە''.