گه‌ڕان

Shadow Shadow
سیاسه‌تی

پێشبینییەكانی بارانی مانگی داهاتوو بڵاوكرایەوە

2020.10.26 - 10:00
پێشبینییەكانی بارانی مانگی داهاتوو بڵاوكرایەوە

 ناس كورد-

سەنتەری عەرەبیی كەش و هەوا پێشبینی دەكات لە نیوەی یەكەمی مانگی داهاتوو (تشرینی دووەم) رۆژهەڵاتی دەریای ناوەڕاست و بەشەكانی باكوری عێراق دابارین بەخۆیانەوە ببینن و پێ بنێنە زستانەوە.

 

سەنتەرەكە لە راپۆرتێكی درێژدا كە "ناس كورد" خوێندنەوەی بۆ كردووە (26ى تشرینی یەكەمی 2020) باس لەوە دەكات رۆژهەڵاتی دەریای ناوەڕاست ماوەی پێشوو پلەی گەرمای بەرزی بەخۆیەوە دیوە بەهۆی بەرزە پاڵەپەستۆیەكەوە كە رێگربووە لەهاتنی هەوای سارد، بەڵام لەچەند رۆژی رابردووەوە بارستە هەوای مامناوەند خەریكە دەگەنە حەوزی دەریای ناوەڕاست بارانیان لە میسر و ئوردن و فەلەستین لێ چاوەڕوان دەكرێت.

 

سەنتەرەكە پێشبینی ئەوەش دەكات سەرەتای مانگی 11 بارستە هەوای سارد بگاتە حەوزی دەریای ناوەڕاست و باران و بروسكە لە شام و بەشەكانی باكوری عێراق و باكوری رۆژئاوای میسر دروست بكات.

 

لەبارەی وردەكارییەكانیشەوە سەنتەری عەرەبیی كەش و هەوا باس لەوە دەكات نیوەی یەكەمی مانگی داهاتوو ناجێگیری كەش و هەوا دەبێت و لەنیوەی دووەمدا نزمە پاڵەپەستۆی قووڵ بەپێی پێشبینییە بەراییەكان كە ڕادەی متمانەیان لەنێوان 45_75% دایە لە ئێستادا.