گه‌ڕان

Shadow Shadow
سیاسه‌تی

حزبەکەى خەمیس خەنجەر ڕاگەیەندراوەکەى بەرەى عێراقى رەتدەکاتەوە 

2020.10.26 - 08:39
App store icon Play store icon Play store icon
حزبەکەى خەمیس خەنجەر ڕاگەیەندراوەکەى بەرەى عێراقى رەتدەکاتەوە 

ناس کورد- 

حزبی پڕۆژەی عەرەبی بەسەرۆکایەتی خەمیس خەنجەر ڕاگەیەنداراوەکەی بەرەی عێراقی ڕەتکردەوە بەسەرۆکایەتی ئوسامە نوجێفی کەپێش چەند ڕۆژێک لەمەوبەر پێکهێنرا لەژمارەیەک هێزی سیاسی عێراقی سونە.

 

کەناڵی ناس کورد لە تێلیگرام جۆین بکە   

لەڕاگەیەندراوەکەدا کەوێنەیەکی دەست ناس کورد کەوتووە (26ی تشرینی یەکەمی 2020) هاتووە، "حیزبی پرۆژی عەرەبی بە سەرۆکایەتی خەمیس خەنجەر لەماوەی 24 کاتژمێری داهاتوودا پەیوەندییەکانی لەگەڵ بەرەی عەرەبی چڕدەکاتەوە بەمەبەستی  هەڵوەشاندنەوەی ئەو ڕاگەیەندراوە وناوەڕۆکەکەی کە دوێنێ لەلایەن بەرەکەوە ڕاگەیەندراوە".

 

ئاماژە بەوەشکراوە، "حیزبی پرۆژی عەرەبی  بەشێک نەبووە لەنوسینەوەی ئەو ڕاگەیەندراوە".

 

ڕاگەیەندراوەکەى پارتەکەى خەنجەر لە کاتێکدایە کە دوێنێ (25ی تشرینی یەکەمی 2020) بەرەى عێراقى ڕاگەیەندراوێکى بڵاوکردەوە و تیایدا ئاماژە بەوە کرابوو، لەبەردەم قەيرانى ڕاستەقينە ونەبونى چارەسەرداين، پێويستە جوڵانەوەيەكى پەرلەمانى چالاك هەبێت و ئاگادارى بارودۆخى مليۆنان كەس بێت كە بەدەست قەيرانەكانەوە دەناڵێنن. 

 

 لەڕاگەیەندراوەکەدا ئاماژەبەوەشدرابوو، "پێويستە دامەزراوەى ياسادانان چاك بكرێتەوە بەشێوەيەك كە تواناى ئەداى نيشتمانى هەبێت دور لە دەستبەسەرداگرتن و كۆنترۆڵكردنى، هەروەها پێويستە لێكتێگەيشتن لەگەڵ هێز و حزبەكاندا هەبێت بۆ جێبەجێكردنى ئەو كارە، بەرەكە ئەوەشى ڕاگەياندوە "ئوسامە نوجێفى وەك سەرۆكى بەرەى عەرەبى دياريكراوە".