گه‌ڕان

Shadow Shadow
سیاسه‌تی

نیوەی پارەی پێبژاردنەكانى نەبەستنى دەمامک دەدرێتە هێزە ئەمنییەكان

2020.10.25 - 23:12
نیوەی پارەی پێبژاردنەكانى نەبەستنى دەمامک دەدرێتە هێزە ئەمنییەكان

ناس كورد-

وەزارەتی ناوخۆی حكومەتی هەرێمی كوردستان بڕیاریدا لەمەودوا نیوەی پارەی پێبژاردنەكاننەبەستنى ماسک بدرێتە هێزە ئەمنییەكان.

 

بەگوێرەى نوسراوێكی وەزارەتی ناوخۆ كە وێنەیەکى دەست ناس کورد کەوتووە و ئاڕاستەی پارێزگا و ئیدارە سەربەخۆكان كراوە ئاماژە بەوە کراوە (25ی تشرینی یەكەمی 2020)، تایبەت بەپێبژاردنەكانی بەیانی ژمارە (52) سەبارەت بەو پێبژاردنانەی كە لەبەیانی ژمارە 52ی ساڵی 2020 ئاماژەی پێدراوە بەم شێوەیەی خوارەوە وەردەگیرێت.

 

یەكەم: ئەو لایەنانەی كە لە بڕگەی شانزەیەم/ یەكەمی ئەم بەیانە ئاماژەیان پێدراوەن، پێبژاردنەكان بەپسووڵەی (38/ا) وەردەگرن، دووەم، وێنەی یەكەم لەپسووڵە دەدرێت بەكەسی سەرپێچیكار، سێیەم، ئەو بڕە پارانەی كە وەردەگیرێن لەژمێریاری پارێزگا و ئیدارە سەربەخۆكان وەگ ئەمانەت هەڵدەگیرێن.

 

چوارەم، مانگانە لیستێك بەناوی ئەو كەسانەی كە كاری پێبژاردنەكان دەكەن رەوانەی وەزارەت دەكرێت بەمەبەستی خەرجكردنی هاندان بۆیان بەڕێژەی 50% لەداهاتی پێبژاردنەكان.

 

پێنجەم، 50%ی داهاتی پێبژاردنەكان خەرج دەكرێت بۆ كڕینی پێداویستی خۆپاراستن بەپێی ئەو لیستانەی كە لەلایەن پارێزگا و ئیدارە سەربەخۆكان دەنێردرێن بۆ وەزارەت.