گه‌ڕان

Shadow Shadow
سیاسه‌تی

بەریتانیا زووتر ڤاکسینی دژە کۆرۆنا بەکاردەهێنێت.. پێش سەری ساڵ!

2020.10.25 - 14:15
App store icon Play store icon Play store icon
بەریتانیا زووتر ڤاکسینی دژە کۆرۆنا بەکاردەهێنێت.. پێش سەری ساڵ!

ناس کورد-

ڕۆژنامەی"دەیلی مەیل" بڵاویکردەوە، حکومەتی بەریتانیا بەنیازە پێش هاتنی یادەکانی سەری ساڵی نوێ، ڤاکسینەکەی زانکۆی ئۆکسفورد دژبە ڤایرۆسی کۆرۆنا بۆ کارمەندانی تەندروستی و بەساڵاچوان بەکاربەهێنێت.

کەناڵی ناس کورد لە تێلیگرام جۆین بکە   

 

بەگوێرەی ڕۆژنامە بەریتانییەکە (25ی تشرینی یەکەمی 2020) کە ناس کورد بەدواداچوونی بۆ کردووە، "لەئێستادا حکومەتی بەریتانیا لە هەوڵی ئەوەدایە بە زووترین کات کارمەندانی کەرتی تەندروستیی وڵاتەکەی پێش 25ی کانوونی یەکەمی ئەمساڵ واتا پێش ئاهەنگەکانی سەری ساڵی 2021 ڤاکسینەکەی زانکۆی ئۆکسفۆرد وەربگرن".

 

ئاماژە بەوەکراوە، "لە پاڵ کارمەندانی تەندروستی، بەریتانیا دەیەوێت ئەو کرێکارانەی کە لە کەرتی خزمەتگوزاری ماڵەکاندا کاردەکەن و بەساڵاچوانیش کە تەمەنیان هەڵکشاوە بۆ 80 ساڵە ئەو ڤاکسینە وەربگرن".

 

سەرچاوەیەکی حکومەتی بەریتانیا بە ڕۆژنامەی "دەیلی مەیل"ی وتووە، "حکومەت چاوەڕێی ڕەزامەندی یەکێتی ئەوروپا ناکات بۆ بەکارهێنانی ڤاکسینەکە، ئەگەرئەو ڕەزامەندییە دوابکەوێت بۆ دوای سەری ساڵی 2021".

 

تاقیکردنەوە تەختییەکانی  ڤاکسینەکەی ئۆکسفۆرد لەمانگی  نیسانی ڕابردووەوە بەردەوامە وتائێستا زیاترلە  20 هەزار خۆبەش لە جیهاندا بەشدارییان تێیدا کردووە، حکومەتی بەریتانیاش بڕیاری داوە 100 ملیۆن دانە ( ئەمپۆل) لەو ڤاکسینە بکڕێت".

 

لە ئێستادا بەگوێرەی داتاکانی زانکۆی "جۆن هۆبکنز" زیاتر 857 هەزار حاڵەت بە ڤایرۆسی کۆرۆنا لە بەریتانیا تۆمارکراوە و نزیکەی 45 هەزارکەسیش بەهۆی نەخۆشییەکەوە گیانیان لەدەست داوە.