گه‌ڕان

Shadow Shadow
سیاسه‌تی

موچەی بەشێک لە خانەنشینان زیاد دەکرێت

2020.10.25 - 12:34
موچەی بەشێک لە خانەنشینان زیاد دەکرێت

ناس کورد-

فەرمانگەی خانەنشینی ودەستبەری کۆمەڵایەتی لە وەزارەتی کاری وکاروباری کۆمەڵایەتی عێراق ڕایگەیاند، بەنیازن لەڕێگای هەموارکردنەوەی یاسای دەستەبەری کۆمەڵایەتی موچەی زیاترلە 250 هەزار کرێکاری خانەنشین زیادبکەن و بۆ ئەو مەبەستەش یاسەکە ئاڕاستەی ئەنجومەنی وەزیران کراوە.

 

زەمیا سەلمان داود لە لێدوانێکیدا بۆ ئاژانسی هەواڵی فەرمیی عێراق ( 25ی تشرینی یەکەمی 2020) کە ناس کورد بە دواداچوونی بۆ کردووە ئاماژەی بەوەداوە، "هەموارکردنەوەی یاسای دەستەبەری کۆمەڵایەتی ژمارە 39ی ساڵی 1971 ئاڕاستەی ئەنجومەنی وەزیران کراوە بەمەبەستی ناردنی بۆ پەرلەمان و دەنگدان لەسەری".

 

وتیشی: "هەموارکردنەوەکە دەبێتە مایەیی دەستەبەرکردنی چەندین ماف بۆ زیاتر لە 250 هەزار کرێکاری خانەنشین وەک زیادکردنی موچەکانیان و زامنکردنی دەستبەبەری تەندروستی".

 

بەرپرسەکەی وەزارەتی کاری عێراق ئەوەشی خستووەتەڕوو، "لە ئێستادا کرێکارانی خانەنشین دوومانگ جارێک موچەکانیان پێی دەدرێت، کەمترین موچەش نزیکەی 320 هەزار دینارە وکۆی گشتی موچەکانیشان نزیکەی 15 ملیار دینارە".