گه‌ڕان

Shadow Shadow
سیاسه‌تی

کازمى باسى دۆسیە گەورەکانى گەندەڵى و هەڵبژاردن و خۆپیشاندانەکان دەکات

2020.10.24 - 21:14
App store icon Play store icon Play store icon
کازمى باسى دۆسیە گەورەکانى گەندەڵى و هەڵبژاردن و خۆپیشاندانەکان دەکات

ناس کورد-

 

مستەفا کازمى رایگەیاند، زیاتر لە 30 دۆسیەى گەورەى گەندەڵیان کردووەتەوە و سورن لەسەر ئەنجامدانى هەڵبژاردنى پێشوەختە لەوادەى خۆیدا.

 

کەناڵی ناس کورد لە تێلیگرام جۆین بکە   

 

مستەفا كازمى لە وتەيەكدا بەبۆنەى يادى دەستپێكردنى خۆپيشاندانەكانى تشرين ڕايگەياند (24ى تشرينى يەكەمى 2020)، "كارى فەرمانڕەوا گوێگرتنە لە گەلەكەى و جوڵەى كۆمەڵايەتى عێراقيى نەخشەڕێگايەكى دانا و هەموان دانيان پێدان ناوە و ئێمەش بەردەوامين لەسەرى".

 

ڕونيشيكردوەتەوە، "ئامانجى سەرەكى حكومەت ئامادەكارييە بۆ هەڵبژاردنێكى ئازاد و دادپەروەرانە و پاك، پابەندين بەو كاتەى ديارى كراوە بۆ هەڵبژاردنى پێشوەخت، ئيرادەى گۆڕانكارى سياسى لە ڕێگەى سندوقى دەنگدانەوەيە و هيچ نوێنەرايەتييەكى شەرعى نييە تەنها لەڕێگەى هەڵبژاردنەوە نەبێت".

  

سەرۆك وەزيرانى عێراق جەختیكردوەتەوە، "پشت بە سيستمى بايۆمەترى دەبەستين بۆ دەنگدان و سەرجەم كەلێنە تەكنەلۆژى و ئيدارييەكان پڕدەكەينەوە، بەڵێنماندا بە دانانى سيستمێك بۆ بەدواداچونى ڕاستيەكانى ڕوداوە ئازاربەخشەكانى تشرين و ئەوەشمان كردو تيمێكمان پێكهێنا".

 

دەشڵێت "مەلەفێكى ئابوريى بارگران و پڕ لە سياسەتى هەڵە و خەزێنەيەكى بەتاڵمان وەرگرت، كە نەبونى ستراتيجى ئابوريى و پشتبەستنى تەواوەتى بە نەوت بەتاڵى كردبوو، پێداويستيە سەرەكيەكانى وڵاتمان دابين كردو پەڕەى سپى چاكسازى ئابوريەمان پێشكەشكرد".

 

"وتمان هەنگاوى گەورە دژى گەندەڵى دەگرينەبەر و ئەوەشمان كرد و سەرجەم لەبەرچاوگرتنە پێكهاتەييەكانمان پشگوێخست و هەژمونى هەندێكمان سنورداركرد، زياتر لە 30 مەلەفى گەورەى گەندەڵيمان كردەوە و تێوەگلاوانمان ڕادەستى ياساكرد"، کازمى وایوت.