گه‌ڕان

Shadow Shadow
سیاسه‌تی

زۆر ئاسان و سادە

توێژینەوەیەک: دوو هەنگاو سەرەکیترین ڕێگای خۆپارێزین لە کۆرۆنا

2020.10.24 - 09:14
توێژینەوەیەک: دوو هەنگاو سەرەکیترین ڕێگای خۆپارێزین لە کۆرۆنا

ناس کورد-

توێژینەوەیەکی پزیشکی ئاشکرای دەکات، بەستنی دەمامک لەلایەن هاوڵاتیانەوە دەتوانێت نیو ملیۆن مردن بە کۆرۆنا کەم بکاتەوە لەماوەی ساڵێکدا و دەشڵێت، تاوەکو بەردەستبوونی ڤاکسین، باشترین چارەسەر بۆ ڕێگریکردن لە کۆرۆنا بەستنی دەمامک و دورکەوتنەوەی کۆمەڵایەتییە. 

 

بەگوێرەی توێژینەوەیەکی گۆڤاری "جێنڕاڵ میدیسن"ی پزیشکی کە (شەممە 24ی تشرینی یەکەمی 2020) ماڵپەڕی "زە هیڵ" بڵاوی کردووەتەوە، دەرکەوتووە: "بەستنی دەمامک بەشێوەیەکی تەندروست لەلایەن هاوڵاتیانەوە، تاوەکو مانگی 2ی ساڵی داهاتوو دەتوانێت مردنی 130 هەزار کەس بە کۆرۆنا کەم بکاتەوە."

 

ئەوەش هاتووە: "ئەگەر %95ی هاوڵاتیان دەمامک بەکاربهێنن، ئەوا لەماوەی ساڵێکدا گیانی نیو ملیۆن کەس لە مردن بە کۆرۆنا ڕزگار دەکرێت."

 

توێژینەوەکە جەختی لەوە کردووەتەوە: "تاوەکو بەردەستبوونی ڤاکسین، دوو باشترین چەکی ڕوبەڕوبوونەوەی کۆرۆنا بەستنی دەمامک و دوورکەوتنەوەی کۆمەڵایەتییە."

 

لەئێستادا ژمارەی توشبووانی کۆرۆنا لە جیهاندا 42 ملیۆن کەسی تێپەڕاندووە و ملیۆنێک و 150 هەزار کەسیش بە ڤایرۆسەکە گیانیان لەدەستداوە.

 

لە هەرێمی کوردستانیش ئامارەکان ڕۆژبەڕۆژ لە هەڵکشاندان، بەڵام بەراورد بە ڕابردوو هاووڵاتیان پابەندی بەستنی دەمامک و دوورکەوتنەوەی کۆمەڵایەتی نابن.