گه‌ڕان

Shadow Shadow
سیاسه‌تی

هۆشداری بە كافتریا و و گازینۆ و شوێنی خواردنەوە كهولییەكان دەدرێت

2019.05.07 - 09:55
App store icon Play store icon Play store icon
هۆشداری بە كافتریا و و گازینۆ و شوێنی خواردنەوە كهولییەكان دەدرێت

کەناڵی ناس کورد لە تێلیگرام جۆین بکە   

ناس كورد- قائیمقامییەتی سلێمانی هۆشداری بە كافتریا و گازینۆ و شوێنێ خواردنەوە كهولییەكان دەدات لە پێشكەشكردنی نێرگەلە و خواردنەوە بە كەسانی خوار 18 ساڵ و ئاماژە بەوە دەكات هەر كەس ئەو كارە بكات شوێنەكەی دادەخرێت و خاوەنەكەی رووبەڕووی یاسا دەكرێتەوە. . ‎گۆران قادر سەرۆكی لیژنە هاوبەشەكانی قائیمقامیەتی سلێمانی، رایدەگەیەنێت "یاسا رێگری لە هاتووچۆكردنی منداڵی نەوجەوان و تەمەن خوار 18 ساڵ بۆ گازینۆ، كافتریای نێرگەلە و خواردنەوە كهولییەكان كردووە‌، بۆئەو مەبەستەش خاوەن شوێنەكان ئاگادار كراونەتەوە كە تابلۆی "هاتنە ژورەوە بۆ خوار تەمەن 18 ساڵ قەدەغەیە" هەڵبواسن و بە هیچ جۆرێك خواردن و خواردنەوە یاخود نێرگەلە پێشكەش بە مناڵی نەوجەوان نەكەن، بەپێچەوانەوە شوێنەكانیان دادەخرێت و خاوەنەكانیشیان روبەروی رێكاری یاسایی دەكرێنەوە". . ئاماژە بەوەش دەكات، بەهۆی پێشكەشكردنی خواردنەوەی كهولییەكان و نێرگەلە بە كەسانی تەمەن خوار 18 ساڵ، لیژنەكانیان لە ‌ساڵی رابردوودا 72 شوێن و لە چوار مانگی سەرەتای ئەمساڵدا 30 شوێنی دیەكەیان داخستووە و خاوەنەكانیشیان روبەروی رێكاری یاسایی كراونەتەوە. . بەوتەی سەرۆكی لیژنە هاوبەشەكانی قائیمقامیەتی سلێمانی، رۆژانە لیژنەی ریستۆرانتی سەر بە لیژنە هاوبەشەكان،‌ سەردانی گازینۆ، كافتریاكانی كێشانی نێرگەلە و شوێنی خواردن و خواردنەوە كهولیەكان دەكات و لەكەموكورتی شوێنەكە و پابەند نەبوونیان بە مەرج و رێنماییەكانی كاركردن دەپرسێتەوە. راگەیەندراوەكە لە كاتێكدایە كە ‎پێشتر نوێنەرەكانی چاودێری گەشەپێدانی كۆمەڵایەتی و ئەو رێكخراوانەی لە ‌بواری پاراستنی مافی منداڵ كار دەكەن، سەردانی ئاوات محەمەد قائیمقامی سلێمانیان كرد بوو و لە كۆبونەوەیەكدا داوایانكرد لیژنە هاوبەشەكان لە مانگی رەمەزاندا زیاتر چاودێری گازینۆ و كافتریاكان بكەن تا رێگری زیاتر لە هاتوچۆكردنی مێردمنداڵان بۆ ئەو شوێنانە بكەن. .