گه‌ڕان

Shadow Shadow
سیاسه‌تی

35 پەرلەمانتار بەرەیەکى نوێى پەرلەمانى سونییان پێکهێنا [بەڵگە]

2020.10.23 - 23:04
35 پەرلەمانتار بەرەیەکى نوێى پەرلەمانى سونییان پێکهێنا [بەڵگە]

ناس کورد-

لەمیانەى کۆبوونەوەیان لە ماڵى قاسم فەهداوى، وەزیرى پیشووى کارەبا، 35 پەرلەمانتارى عێراق بەرەیەکى نوێى پەرلەمانى سونییان پێکهێنا.

 

مشعان جبورى، یەکێک لەسەرکردەکانى بەرەکە بە ناس کوردى راگەیاند، کەمێک لەمەوبەر کۆبوونەوەکەى ماڵى فەهداوى کۆتایهات و تیایدا ئامادەبووان رێککەوتن لەسەر پێکهێنانى بەرەیەکى نوێى پەرلەمانى سوننى.

 

وتیشى "بەرە نوێکە پێکدێت لە پەرلەمانتارەکانى فراکسیۆنى جەماوەرى نیشتیمانى بەسەرۆکایەتى ئەحمەد جبورى- ئەبو مازن، پڕۆژەى عەرەبى بەسەرۆکایەتى خەمیس خەنجەر، بەرەى ڕزگارى و گەشەپێدان بەسەرۆکایەتى ئوسامە نوجەیفى و حزبى ئیسلامى بە سەرۆکایەتى رەشید عەزاوى و کۆنگرەى مەدەنى بۆ چاکسازیى بە سەرۆکایەتى سەلیم جبورى.