گه‌ڕان

Shadow Shadow
سیاسه‌تی

پەیامێك لە مەلا هەورامان گەچێنەییەوە لەبارەی كاریكاتێرەكانی فەرەنسا

2020.10.23 - 21:48
پەیامێك لە مەلا هەورامان گەچێنەییەوە لەبارەی كاریكاتێرەكانی فەرەنسا

ناس کورد-

هەورامان گەچێنەیى، ئەندامى پەرلەمانى کوردستان لە فراکسیۆنى کۆمەڵى ئیسلامى کوردستان رایگەیاند، ئەو هێرشەى حکومەتى فەڕەنسا بۆ سەر ئیسلام و موسڵمانان دەستى پێکردووە نیشانەى ئەوەیە کە ئەوان فەشەلیان هێناوە لەوەدا بتوانن موسڵمانانى ناو وڵاتەکەیان جڵەوگیر بکەن.

 

هەورامان گەچێنەیى، پەرلەمانتارى فراکسیۆنى کۆمەڵى ئیسلامى، لە میانەى وتارێکدا کە لە هەژمارى خۆى لە فەیسبوک بڵاوى کردۆتەوە و ناس کورد بەدواداچوونى بۆ کردووە باس لەو کاردانەوانە دەکات کە لەوڵاتى فەڕەنسا بەرامبەر بە ئیسلام و موسڵمانان پیادە دەکرێت و هێرش و کاردانەوەکانى ئەو وڵاتە بەرامبەر ئیسلام و موسڵمانان بە پوچ و نەزۆک ناودەبات.

 

 

ئەم هێرشەی فەڕەنسا بۆسەر ئیسلام پوچ و نەزۆکە..!

د. هەورامان گەچێنەیی

 

من وای بۆ ئەچم کەئەم هێرشەی حکومەتی فەڕەنسی بۆ سەر ئیسلام و مسوڵمانان تەعبیرە لەوەی ئەوان فەشەلیان هێنا لەوەدا کە بتوانن مسوڵمانانی ناو ووڵاتەکەیان کۆنتڕۆڵ بکەن..

 

ئەوان وا گومانیان دەبردو چاوەڕێ بون کە ئەو بڕوادارانەی کۆچیان کردووە بۆ ووڵاتی ئەوان ئیتر واز لە دین و شوناسی ئیسلامی خۆیان دەهێنن، و دواجاریش بەکاریان دەهێننەوە بۆ هەیمەنە کردن بەسەر ووڵاتانی ئەسڵی خۆیان.!

بەڵام....

بەڵام ڕێك حەیران بوون بەوەی کە پێچەوانەکەی دەرچوو، چونکە مسوڵمانان لەسەر دینی خۆیان مانەوە، و بەڵکو زیاتریش باوەشیان پیاکرد، و کاریگەریشیان لەسەر غەیری خۆیان دانا، و ڕۆژ بەڕۆژیش ئیسلام لەڕوژئاوا پەرەدەسەنێت..

 

هەربۆیە ناچارن بەهەموو هۆکارو ئامڕازێك ڕوو بەڕووی ئەو هۆشیارییە ئیسلامییە ببنەوە، و هەوڵی ئەوە بدەن کە مسوڵمانان بەتەواوی واز لەدینەکەیان و شوناسی خۆیان بهێنن، و ئەگەرنا دەبێت دوچاری شەڕێکی لا بەلایان بکەن.

 

وەلێ مسوڵمانان ئەمەیان قەبوڵ نەکردووە، و ناشیکەن، و ڕوو بە ڕوو بونەوەکەش فراوانتر دەبێت، و دەوڵەت و حکوماتی تریش بە توندتر دێنە نێو بازنەی ڕوو بە ڕوو بونەوەکەوە.

 

بڵاو کردنەوەی ئەو وێنانەش کە گاڵتە ئامێزن بە پێغەمبەری ئازیز صلی الله علیه و سلم، هیچ پەیوەندی بەئازادی ڕادەربڕینەوە نییە وەك خۆیان ئاوها گومان دەبەن، بەڵکو ئەوە بەشێکە لەو پیلانە داڕێژراوەی کەدەیانەوێت استفزازی هەست و نەستی مسوڵمانانی پێ بکەن، تا بیکەنە فاکتەرێك بۆ لەناوبردنیان..!

 

پێغەمبەری خۆشەوویستمان صلی الله علیه و سلم بەهیچ جۆرێك تانەو تەشەری نەوەکانی مەیمون و بەراز زیانی پێ ناگەیەنێت، و مێژو گەواهی دەرە کە دواڕۆژی ناحەزو دوژمنەکانی توانەوەو لەناو چون و زەبون بون و ئابڕو چونە، هاوشێوەی أبو لهب و كسری و غه یری ئەوانیش، وەك پەروەردگار دەفەرموێت: "إِنَّ شَانِئَكَ هُوَ الْأَبْتَرُ".

 

لەسەر تاك بەتاکی مسوڵمانانیشە کە پشتی رسول اللە صلی الله علیه وسلم بگرن، و سەری بخەن، و بەرگری لێ بکەن بە ڕۆح و ماڵ و حاڵیان، و باشترین شتێکیش کە پێغەمبەرەکەی خۆمانی صلی الله علیه و سلم پێ سەر بخەین بریتیە لە شوێن کەوتن و زیندو کردنەوەی ڕێ و ڕێبازو سوننەتەکانی، و بڵاوکردنەوەی ئاکارە جوان و پەسەندەکانی."وَإِنَّكَ لَعَلَىٰ خُلُقٍ عَظِيمٍ".

 

وە پێوویستە لەسەرمان کەهەوڵی بەهێزکردن، و یەکخستن، و پاراستنی ئووممەتی ئیسلامیمان بدەین، و ئیمانی خۆمان پتەوترو بەهێزتر بکەین، تا خەڵکانی دیکەو ناحەزو نەیارانی ئیسلام هەزاران حیساب بۆ توڕە بونی ئەم ئووممەتە بکەن.

 

فەڕزە لەسەرمان سات بەسات ئیمان و بڕوای خۆمان قاییم و پتەوتری بکەین، چونکە ئەگەر ئاوهابین، ئەوە بەدڵنیاییەوە زۆری و بەهێزی دوژمنانمان نامان ترسێنێت و چەسپاوترمان دەکات، وەك پەروەردگار دەفەرموێت: "وَلَمَّا رَأَى الْمُؤْمِنُونَ الْأَحْزَابَ قَالُوا هَٰذَا مَا وَعَدَنَا اللَّهُ وَرَسُولُهُ وَصَدَقَ اللَّهُ وَرَسُولُهُ ۚ وَمَا زَادَهُمْ إِلَّا إِيمَانًا وَتَسْلِيمًا".

 

وەپێوویستە شت ومەکی فەڕەنسی، و زمانی فەڕەنسی، و دامەزراوە فەڕەنسییەکان بایکۆت بکەین.

"والله غالب على أمره ولكن أكثر الناس لا يعلمون".