گه‌ڕان

Shadow Shadow
سیاسه‌تی

ڕۆژنامەكەی حیزبوڵڵا: سیاسییەكانی عێراق خۆیان لە خواستی سیستانی دەدزنەوە بۆ هەڵبژاردنی پێشوەختە

2020.10.23 - 15:38
App store icon Play store icon Play store icon
ڕۆژنامەكەی حیزبوڵڵا: سیاسییەكانی عێراق خۆیان لە خواستی سیستانی دەدزنەوە بۆ هەڵبژاردنی پێشوەختە

ناس کورد-

ڕاپۆڕتێکی ڕۆژنامەی "ئەخبار"ی سەربە حیزبوڵـڵا بڵاویکردەوە، پێدەچێت هەڵبژاردنەکانی حوەزیرانی داهاتوو دوابخرێت و لەوادەی خۆیدا ئەنجام نەدرێت، ئاماژەی بەوەشکردووە، لایەنە سیاسییەکان یاری بەکات دەکەن و لەهەماکاتیشدا نایانەوێت ڕێنماییەکانی مەرجعی باڵای شیعەکان لەوبارەیەوە پشتگوێ بخەن.

کەناڵی ناس کورد لە تێلیگرام جۆین بکە   

 

 بەگوێرەی ڕاپۆرتەکە ( 23ی تشرینی یەکەمی 2020) کە ناس کورد بەدواداچوونی بۆ کردووە ئاماژە بەوەکراوە، بەشێکی زۆر لە لایەنە سیاسییەکان نایەنەوێت ئەو پێکهاتە سیاسییەی کە لەئێستادا لەعێراقدا هەیە و مۆرکێکی ئیسلامی وەرگرتووە گۆڕانکاری بەسەردا بێت

 

ئاماژە بەوەشکراوە: "لایەنەکان لەئێستادا وا خۆیان دەردەخەن کە زۆر بەپەرۆشەوە  لەهەوڵی  تەواوکردنی ئامادەکارییەکانی هەڵبژاردنەکەن،ئ ەوەش بۆئەوەی خۆیان وا نیشان بدەن کەڕێنماییەکانی عەلی سیستانی، مەرجەعی باڵای شیعەکان لە نەجەف جێبەجێدەکەن و پشت گوێیان نەخستووە".

 

مەرجەعی باڵای شیعەکان لەنەجەف لە مانگی کانوونی یەکەمی ساڵی ڕابردوودا بە تایبەتی دوای سەرهەڵدانی خۆپیشاندانەکانی شارەکانی عێراق لە مانگی تشرینی یەکەمی ئەو ساڵدا داوای لەحکومەتەکەی عادل عەبدولمەهدی کرد بەزووترین کات ئامادەکاری بۆ  هەڵبژاردنێکی پێشوەختە لەعێراقدا بکات.