گه‌ڕان

Shadow Shadow
سیاسه‌تی

ڤیدیۆ: ’’قەسابێكی مێباز’’ لە جیزە سێكس لەگەڵ 250 ژندا دەكات

2020.10.23 - 14:39

ناس کورد-

سەرچاوە ئەمنییەكانی میسر بڵاویانكردەوە ئەو قەسابەی جیزەی پایتەخت كە ئێستا بەتۆمەتی كاری نەشیاو دەستبەسەرە لە لێكۆڵینەوەدا وتویەتی: " 250 ژن بەخواستی خۆیان سێكسیان لەگەڵدا كردووم و كەسم ناچار نەكردووە بەزۆر" .

 

بەپێی بەدواداچوونەكانی "مصري الیوم" كە ناس كورد دیویەتی (هەینی 23 تشرینی دووەمی 2020) قەسابەكە كە لەمیدیای میسریدا بە "مێباز" ناوی رۆشتووە، هاوكات لەگەڵ سێكس كردندا لەگەڵ 250 ژنی كڕیار و گەڕەك، گرتەی زۆر زۆری بە ڤیدیۆ لێ تۆماركردوون، لە لێكۆڵینەوەكانیشدا وتویەتی "سەرجەمی بە ڕەزامەندیی خۆیان بووە".

 

رۆژنامەكە ئەوەشی زانیوە هێشتا تۆمەتی زینا ئاراستەی ئەم قەسابە نەكراوە، یاساییەكیش دەڵێت ئەوپەڕی سزاكەی دوو ساڵ زیندانییە ئەگەر زۆر و هەڕەشەی بەكارنەهێنابێت، بەتایبەت تا ئێستا هیچ یەك لەژنەكان یان مێردەكانیان سكاڵای لەوجۆرەیان نییە كە باسی هەڕەشە یان وێنەگرتنی ژنەكان بكات بەزۆر.

 

پێشتر دەزگای مەباحیسی جیزە ئاشكرایكرد كەسێك بەناوی عیز تەمەن 43 ساڵ لەگەڕەكی بەراجیلی جیزەی پایتەخت بەتۆمەتی سێكس كردن بۆ ماوەی سێ ساڵ لەگەڵ 2000 ژندا، دەستگیركراوە لەناو شوقەیەكی گەڕەكی ئەمبابە كە هەر بۆ ئەو مەبەستە بەكرێی گرتووە.

 

بەگوێرەی بەدواداچوونی دەزگا ئەمنییەكان تا ئێستا چوار ژن لە گرتەكاندا ناسراونەتەوە، پارێزەرێكیش بەناوی یاسر سەید ئەحمەد دەڵێت، ئەم قەسابە تەنها بەوە تاوانبار دەكرێت كە فەزاحەتی بڵاوكردووەتەوە بەپێی یاساكانی پەیوەست بە تاوانی بڵاوكردنەوە لە ئینتەرنێت.

 

سەرچاوە میسرییەكانیش باس لەوەدەكەن لەدوای ئاشكرابوونی ئەم "ئابڕوچوونە" لەماوەی هەفتەیەكدا هەشت حاڵەتی جیابوونەوە لە گەڕەكەكە تۆماركراوە لەگەڵ كۆچ و باری چەندین خێزان لەو دەورووبەرە بۆ خۆ شاردنەوە لە لێكەوتەكان.