گه‌ڕان

Shadow Shadow
سیاسه‌تی

ئێران: چەك بەهەموو وڵاتێك نافرۆشین و مەرجمان هەیە

2020.10.23 - 14:01
ئێران: چەك بەهەموو وڵاتێك نافرۆشین و مەرجمان هەیە

ناس کورد-

وتەبێژی دەوڵەتی ئێران دەڵێت، ئەگەر وڵاتێک داوای چەک لە ئەوان بکات، مەرجی تایبەتی خۆیان هەیە و چەکیش بە هەموو وڵاتێک نافرۆشن.

 

بە پێی ڕاپۆرتی ئاژانسی هەواڵی مێهری ئێرانی، عەلی ڕەبیعی، وتەبێژی دەوڵەتی ئێران لە دیمانەیەکدا بۆ تەلەفزیۆنی ئێران وتویەتی: "ئێمە لە بنەڕەتدا حەزمان لە چەک نییە و لایەنگری ئاشتین و پێمان وایە کە نابێت ناوچەکەمان ببێتە كۆگای چەک."

 

ئاماژەی بەوەشكردووە: "جیهان زانی کە ئەمریکا درۆ دەکات و بۆیە گەمارۆی چەک لە سەر ئێمە درێژ نەکرایەوە" .

 

وتەبێژی دەوڵەتی ئێران ڕاشیگەیاند: "ئەگەر هەر وڵاتێک داوای چەک و تەقەمەنی لە ئێران بکات، ئێمە مەرجی تایبەتی خۆمان هەیە بۆ فرۆشتنی چەک بەم وڵاتانە و دەبێت مەرجی ئەخلاق و بەرپرسیارانە کەڵک وەرگرتن لە چەکەکان ڕچاو بکرێت و هەروەها دەبێت ئەو چەکانە بۆ بەرگری بکڕدرێن نەک بۆ پەلامار دان."

 

ڕەبیعی باسی لەوەشکردووە،  چەکەکانی ئێران بە گوێرەی ڕێنماییە نێودەوڵەتییەکان و بە لەبەرچاو گرتنی یاسای نێودەوڵەتی دەفرۆشرێت.