گه‌ڕان

Shadow Shadow
سیاسه‌تی

کازمی لەگەڵ سەرۆکی ژمارەیەک لە کۆمپانیا بەریتانییەکان کۆبووەوە.. باسی چیان کرد؟

2020.10.23 - 11:23
کازمی لەگەڵ سەرۆکی ژمارەیەک لە کۆمپانیا بەریتانییەکان کۆبووەوە.. باسی چیان کرد؟

ناس کورد-

لەمیانەی سەردانەکەیدا بۆ بەریتانیا ئەمڕۆ(هەینی )سەرۆکوەزیرانی عێراق لەگەڵ ژمارەیەک سەرۆکی کۆمپانیا بەریتانییەکان کۆبووەوە و ڕایگەیاند، عێراق پلانی هەیە دەرفەتەکانی وەبەرهێنان بۆ کۆمپانیا بیانییەکان فراوانتر بکات.

 

نووسینگەی ڕاگەیاندنی سەرۆکوەزیرانی عێراق (هەینی 23ی تشرینی یەکەمی 2020) لەڕاگەیەندراوێکدا کەوێنەیەکی دەست ناس کورد کەوتووە بڵاویکردەوە: "مستەفا کازمی، لە لەندەن لەگەڵ ژمارەیەک سەرۆکی کۆمپانیا بەریتانییەکان کۆبووەتەوە و لەدیدارەکەدا تاووتوێی دەرفەتی وەبەرهێنانی بۆ ئەو کۆمپانیانە  کردووە لە عێراق".

 

ئاماژەبەوەشکراوە، کازمی جەختیکردووەتەوە لەسەر فەراهەمردنی ژینگەی لەبار لە ڕووی تەندروستی و ئەمنیەوە بۆ ئەو کۆمپانیانەی کە لە ئێستادا لە عێراق کاردەکەن.

 

بەگوێرەی ڕاگەیەندراوەکەی نووسینگەی ڕاگەیاندنی سەرۆکوەزیرانی عێراق، کازمی وتوویەتی: " عێراق پلانی هەیە دەرفەتەکانی وەبەرهێنان بۆ کۆمپانیا بیانییەکان فراوانتر بکات، بەجۆرێک ببێتە مایەی پاڵنانی چەرخی ئابووری عێراق بەرەو پێشەوە  وخۆشگوزەرانی بۆگەلەکەی دەستەبەربکات".