گه‌ڕان

Shadow Shadow
سیاسه‌تی

برای شڤان سەعید: 300 گیراوی بادینان بەمەرجێك ئازاد كراون

2020.10.22 - 22:49
App store icon Play store icon Play store icon
برای شڤان سەعید: 300 گیراوی بادینان بەمەرجێك ئازاد كراون

ناس کورد-

ئەیهان سەعید، برای شڤان سەعید بەڕۆشکی چۆنێتی دەستگیرکردنی براکەی لەلایەن هێزێکی چەکدارەوە ئاشكرادەکات و دەشڵێت، لە چەند مانگی ڕابردوو زیاتر لە 300 کەس لە سنوری بادینان دەستگیرکراون، بەشێکیان بەو مەرجە ئازادکراون کە چیتر ڕەخنە لە دەسەڵات نەگرن.

کەناڵی ناس کورد لە تێلیگرام جۆین بکە   

 

ئەیهان سەعید، نوێنەری ڕێکخراوی میترۆ لە دهۆک و برای شڤان سەعید لە لێدوانێکدا بە دەنگی ئەمریکای ڕاگەیاند: " کاتژمێر 8:30 خولەکی سەرلەبەیانی هێزێکی چەکداری  دەمامکدار چوونەتە سەر ماڵی براکەم و دەرگای ماڵەکەیان شکاندووە و بە لێدان و بە جلی خەوتنەوە لە بەردەمی منداڵەکانی بردوویانە کە گەورەکەیان تەمەنی 10 ساڵە."

 

ئاماژەی بەوەشکردووە: " هێزە دەمامکدارەکە هیچ مۆڵەتێکی دادگایان پێنەبووە و باسی هۆکاری دەستگیرکردنەکەشیان نەکردووە و  بە شێوازێک ڕەفتاریان کردووە وەک ئەوەی سەرکردەیەکی داعش  دەستگیربکەن."

 

ئەیهان سەعید باسی لەوەشكردووە، هەوڵیان داوە لە دەزگای ئاسایش و پـۆلیس و تەنانەت لای دەزگای پاراستنیش چارەنووسی براکەی بزانن، بەڵام وەڵامیان نەداونەتەوە و پێیان وتوون، لای ئەوان نیـیە.

 

دەشڵێت: " لە ماوەی چەند مانگی ڕابردوو زیاتر لە 300 کەس لە سنوری بادینان دەستگیرکراون، بەشێکیان بەو مەرجە ئازادکراون کە چیتر ڕەخنە لە دەسەڵات نەگرن."

 

بەوتەی ئەیهان سەعید، براکەی پـێشتر مامۆستای ئاینی و وتاربێژی مزگەوت بووە، لەسەر ڕەخنەگرتن لە حکومەت و موچەبڕین لە کارەکەی لادراوە