گه‌ڕان

Shadow Shadow
سیاسه‌تی

كۆمەڵێك لە هێرشبەرانی سەر بارەگای پارتی ئازادكران

2020.10.22 - 22:26
كۆمەڵێك لە هێرشبەرانی سەر بارەگای پارتی ئازادكران

ناس کورد-

ئاژانس و سەكۆ ئەلەكترۆنییەكانی سەربە بزوتنەوەی ڕەبعوڵڵا بڵاویان كردەوە، جگە لە پێنج كەس سەرجەم گیراوەكانیان لای حكومەت ئازادكراون.

 

 سۆشیال میدیای ڕەبعوڵڵا و حیزبوڵڵا (پێنجشەممە 22 تشرینی یەكەمی 2020) بڵاویانكردەوە، گیراوەكانی ئەمدواییەی هێرشەكانی سەر كەناڵی دیجلە و بارەگای پارتی ئازاد كراون.

 

ڕونيشكراوەتەوە، هەروەها  بڕیارە رۆژی یەكشەممە پێنج گیراویتر كە لەزیندان ماونەتەوە ئازاد بكرێن.

 

ئەوەش دواى ئەوەدێت، (سێشەممە 20 ى تشرينى يەكەمى 2020) سەکۆ ئەلەکترۆنییەکانی ئەم پێکهاتە نوێیەی پەیوەست بە گروپە چەکدارە نزیکەکانی ئێران بڵاویانکردەوە، ئەگەر گیراوەکانیان لە ڕووداوەکانی ئەمدواییەی بەردەم بارەگای پارتی ئازاد نەکرێن جارێکیتر دەڕژێنەوە شەقامەکان "بەڵام بەشێوەی ئاشتی".  

 

تەئكيديشيان كردبووەوە، مۆڵەتی دیاریکراو بۆ ئازادکردنی گەنجەکانیان کاتژمێر 12ى شەوى دوو شەممە کۆتایی هاتووە و ئەگەری جموجوڵیان هەموو کات کراوەیە.