گه‌ڕان

Shadow Shadow
سیاسه‌تی

ئەوقاف لەوتاری هەینیدا ’’سوپرایز’’ بۆ خەڵك دەكات

2020.10.22 - 21:09
App store icon Play store icon Play store icon
ئەوقاف لەوتاری هەینیدا ’’سوپرایز’’ بۆ خەڵك دەكات

ناس كورد-

وەزارەتی ئەوقاف و كاروباری ئاینی حكومەتی هەرێمی كوردستان گۆڕانكاری لەچۆنیەتی بڵاوكردنەوەی تەوەرەكانی وتاری رۆژی هەینی دەكات، ئێستا لە جیاتی بڵاوكردنەوەی پێشوەختەی وتار لەمیدیاوە، دەیانەوێت خەڵك لەكاتی وتارەكە بزانن تەوەرەكە چییە.

کەناڵی ناس کورد لە تێلیگرام جۆین بکە   

 

مەلا عومەر چنگیانی، ئەندامی بۆردی ئامادەكاری وتاری هەینی ئەمڕۆ پێنجشەممە 22ی تشرینی یەكەمی 2020، بە ناس كوردی راگەیاند، ئێستا پێشوەختە تەوەرەكانی وتاری هەینی بڵاوناكرێنەوە، بەڵكو بۆردەكە رۆژانی دووشەممە كۆدەبنەوە و تەوەرێك دیاری دەكەن و دواتر لەلایەن ئەندامێكەوە دەنووسرێت و لە ماوەی 24 كاتژمێردا گفتوگۆی لەسەر دەكەن.

 

چنگیانی روونیكردەوە، پاشان بۆردەكە دوا بۆچوون لەسەر وتارەكە دەدەن و دواتر بۆ زمانەكانی سۆرانی و كرمانجی وەریدەگێڕن، پاشان تەوەرەكە دەدەنە وەزارەت و ئەوانیش دەیدەنە بەڕێوەبەرایەتییەكان، بەڵام نەك لەڕێگەی میدیاوە، بۆ ئەوەی خەڵك نەزانێت تەوەرەكە چییە.

 

سەبارەت بەوەی بۆچی خەڵك پێشوەختە نەزانن تەوەرەكە چییە، مەلا عومەر وتی: "لەبەرئەوەی ئەگەر خەڵك بزانن تەوەری هەینی باسی چی دەكات ئەو بەهایەی نامێنێت و كاتێك دەڕۆنە مزگەوت دەزانن باسی چی دەكات، چونكە ئەوەی پێشتر ژاوەژاوێكی دروستكردبوو".

 

بەوتەی چنگیانی، وەزیری ئەوقافیش لەكۆبوونەوەی لەگەڵ بەڕێوبەرە گشتییەكان پێی راگەیاندوون كە دەبێت سەرجەم مامۆستایانی ئاینی پابەندی تەوەرەكانی بۆردەكە بن، بۆردەكەش سەردانی ناوچەكان دەكەن بۆ ئەو گۆڕانكارییە و هەر مامۆستایەك پێی باش نییە دەتوانن بیرۆكەیان بۆ رەوانە بكەن.

 

ماوەی نزیكەی سێ ساڵە وەزارەتی ئەوقاف و كاروباری ئاینی لەماڵپەڕەكەیان سێ تەوەری بۆ مامۆستایانی ئاینی دیاری دەكرد بۆ ئەوەی لەڕۆژانی هەینیدا یەكێك لەتەوەرەكان وەک وتار پێشكەش بكەن