گه‌ڕان

Shadow Shadow
سیاسه‌تی

چاودێرێکى مافى مرۆڤ نامەیەک ئاراستەى بارزانى دەکات ’چەکدارو عەنتەرەکانت لە بادینان ڕاگرە’

2020.10.22 - 11:21
App store icon Play store icon Play store icon
چاودێرێکى مافى مرۆڤ نامەیەک ئاراستەى بارزانى دەکات ’چەکدارو عەنتەرەکانت لە بادینان ڕاگرە’

ناس كورد-

چاودێرێکى مافى مرۆڤ لە هەرێمى کوردستان نامەیەک ئاراستەى مەسعود بارزانى، سەرۆکى پارتى دیموکراتى کوردستان دەکات و پێى دەڵێت "چەکدارو عنتەرەکانت لە بادینان ڕاگرە".

 

کەناڵی ناس کورد لە تێلیگرام جۆین بکە   

ئەیهان سەعید، چاودێرى مافى مرۆڤ لە هەرێمى کوردستان لە هەژمارى خۆى لە فەیسبوک نامەیەکى ئاڕاستەى مەسعود بارزانى سەرۆکى پارتى دیموکراتى کوردستان و پەرلەمان و کونسوڵخانەکان و دەستى مافى مرۆڤ و میدیاکان کردووە و ئاماژە بەوە دەکات کە بەرەبەیانى (22ى تشرینى یەکەمى 2020) لەلایەن چەند هێزێکى چەکدارى دەمامکدارەوە چونەتە سەر ماڵى برایەکى بەناوى (شڤان سەعید بەرۆشکى) و لەبەر چاوی هاوسەر و مناڵەکانی بە لێدان و جلی خەوەوە ڕفێنڕا، هەڕەشەیان لە ژن و ماڵەکەشیان کردووە.

 

لە نامەکەدا ئەو چاودێرەى مافى مرۆڤ پارتى دیموکراتى کوردستان بە ئەنجامدەرى ئەو کارە تۆمەتبار دەکات و داوا لە بارزانى دەکات بەگوزارەى ئەو "چەکدارو عنتەرەکانی لە بادینان بوەستێنێت".

 

دەقى نامەکە:

 

مەسعود بارزانی چەکدارو عنتەرەکانت لە بادینان ڕاگرە

بۆ/ مەسعود بارزانی

بۆ/ پەرلەمان، کونسڵیەکان، دەستەی مافی مرۆڤ و میدیاکان

 

بەرەبەیانی ئەمرۆ رێککەوتی ٢٢/١٠/٢٠٢٠ چەند هێزێکی چەکداری دەمامکدار بە شێوازێکی ترسناک دەرگای ماڵەکەیان کاندویانە و چۆنەتە سەر ماڵی برای من مامۆستا (شڤان سەعید بەڕۆشکی) و لەبەر چاوی هاوسەرۆ مناڵەکانی بە لێدان و جلی خەوەوە ڕفێنڕا، هەڕەشەیان لە ژن و ماڵەکەشیان کردووە، مامۆستا شڤان بێ جگە لە ڕاو بۆچۆنی جیاواز و ڕەخنە ئاساییەکانی هیچ تاوانێکی نیە، بویە دەستبەجێ ئازادی بکەن.

 

پێویستە مەسعود بارزانی چەکدارو عنتەرەکانی لە بادینان بوەستێنیت، کە کەوتونە گیانی ڕۆژنامەنۆس و چاڵاکوانان، ئەگەر ئاگاداری ئەوە جەنابت بەرپرسیارە بەرامبەر ئەم کارە و زوڵمەی حزبەکەت دەکەت وخۆت سەرۆکیانی، ئەگەر ئاگادار نیت ئەوە کارەساتە ئاگات لە کوڕەکەت و حزبەکەت نیە ! ئەمە کەی ئەخلاقی حوکمدارییە بەچەکەوە لەبەرچاوی مناڵ و لێدان خەڵک برفێنن.

داوا لە پەرلەمان، ڕێکخراوەکان و دەستەی مافی مرۆڤ، UN، کونسۆڵەکانی وڵاتان لەهەرێم دەکەم چارەنۆسی براکەم و گشت زیندانیانی ڕای جیاواز ئاشکرا بکەن و فشار بکەن بۆ ئازادکردنیان، ئەم پرۆسە نایاسایی و نادیموکراسیە لە بادینان بوەستێنن.

 

چارەنۆس و سەلامەتی گیانی برام و دەستگیرکراوەکانی دیکە، لە ئەستوی پارتی، پارێزگارو ئاسایشی گشتی دهۆک دایە، لەسەر مافی خۆمان و ئەم زوڵمە بێدەنگ نابین.

 

ئەیهان سەعید - چاودێری مافی مرۆڤ

٢٢/١٠/٢٠٢٠