گه‌ڕان

Shadow Shadow
سیاسه‌تی

هێرشى پێچەوانەى دۆلار بۆ سەر تمەن دەستیپێکرد  ’تمەن دابەزی’

2020.10.21 - 18:35
هێرشى پێچەوانەى دۆلار بۆ سەر تمەن دەستیپێکرد  ’تمەن دابەزی’

ناس کورد-

بەهاى دۆلار بەرامبەر بە تمەنى ئێرانى لە بازاڕەکانى هەرێمى کوردستان و لەکاتى داخستندا بەرزبوونەوەى بەخۆیەوە بینى.

 

ناس کورد بەدواداچوونى بۆ کاتى داخستنى بازاڕى گۆڕینەوەى دراوەکان لە هەرێمى کوردستان کردووە و دەرکەوتووە، بەهاى دۆلار سەرلەنوێ بەرامبەر بە تمەنى ئێرانى بەرزبوونەوەى بەخۆیەوە بینى و بەجۆرێک (100$ بەرامبەر 2,830,000تومەن نقدی) بووە و هەروەها سەبارەت بە دینارى عێراقیش، 100 دۆلار بەرامبەر بە 125,250 دینار فڕۆشراوە.

 

ئەمە لە کاتێکدایە پێشتر سکاى نیوز بڵاوى کردەوە (20 تشرینی یەكەمی 2020)، بۆ ڕۆژى دووەم لەسەر یەک ئاماژەى دۆلار بەردەوامیداوە بە دابەزین و تا ئاستى 92.991 تۆمار کراوە، ئەوەش لە21ى مانگى ئەیلولەوە نزمترین ئاستە.   

 

نرخى یۆرۆ بەرانبەر دۆلار بەڕێژەى 0.5% بەرزبووەوە و یەک یۆرۆ گەیشتە 1.185 % دۆلار، دواى ئەوەى پێشتر لەبازاڕەکانى لەندەن 0.1% پاشەکشەی کردبوو.