گه‌ڕان

Shadow Shadow
سیاسه‌تی

پرۆژەكەی فراكسیۆنی پارتی: بێڕێزی بە پێنج شت سزاكەی تا حەوت ساڵ زیندانی كردنە

2020.10.21 - 16:52
پرۆژەكەی فراكسیۆنی پارتی: بێڕێزی بە پێنج شت سزاكەی تا حەوت ساڵ زیندانی كردنە

ناس کورد-

پەرلەمانتارێکى فراکسیۆنى پارتى دیموکراتى کوردستان رایگەیاند، پڕۆژە یاسایەکیان داوەتە سەرۆکایەتى پەرلەمان لەبارەى پاراستنى هێما نیشتیمانى و نەتەوەییەکانى و ڕێگرى دەکات لە هەر سوکایەتى و بێڕێزییەک کە بەرامبەر بە پیرۆزییەکانى کوردستان دەکرێت.

 

پێشەوا هەورامانى، پەرلەمانتارى فراکسیۆنى پارتى دیموکراتى کوردستان لە لێدوانێکى تەلەفزیۆنیدا بۆ کەناڵى فەرمى سەرۆکى حکومەت کە ناس کورد دیویەتى رایگەیاند (21ى تشرینى یەکەمى 2020)، لە یاساکەدا ئەو لایەنانە دیاریکراون کە پیرۆزى نیشتیمانین ئەوانیش "ئاڵا، پێشمەرگە، سروودی نیشتیمانی، مێژوو و رزگاریخوازەکانی کوردستان".

 

رونیشیدەکاتەوە، بەگوێرەى ئەم پێشنیازی یاسایە؛ هەر کەسێک سووکایەتی بەمانە بکات، بەپێى یاسای سزادانی عێراقی، ماددەی 226 سزا دەدرێت و زۆرترین سزا (بەپێی پێشنیازی پرۆژە یاساکە) حەوت ساڵ زیندانییە، هەروەها پێبژاردنی دارایی تێدایە و ئەوکاتە بەپێی جۆری ئەو بێڕێزەییەیە کە دەکرێت.