گه‌ڕان

Shadow Shadow
سیاسه‌تی

ئامارێکی مەترسیدار لە تەندروستیی هەرێمەوە

ناس کورد ئامارى مردنى پزیشک و کارمەندانى تەندروستیی هەرێم بە کۆرۆنا ئاشکرادەکات

2020.10.21 - 11:46
ناس کورد ئامارى مردنى پزیشک و کارمەندانى تەندروستیی هەرێم بە کۆرۆنا ئاشکرادەکات

ناس کورد-

وتەبێژى وەزارەتى تەندروستیی هەرێم ڕایگەیاند، 50 پزیشک و کارمەندى تەندروستى بەهۆى توشبوونیان بە ڤایرۆسى کۆرۆنا گیانیان لەدەستداوە، لەکۆى زیاتر لە دوو هەزار توشبوو.

 

ئاسۆ حەوێزى بە ناس کوردى راگەیاند (21 تشرینی یەكەمی 2020)، رێژەی توشبووان بە ڤایرۆسی كۆرونا لە پزیشكان، كارمەندانی تەندروستی، فەرمانبەرانی سەر بە میلاكی وەزارەتی تەندروستی و خۆبەخشان روو لە زیادبوونە.

 

وتیشى، "زۆترین توشبوو لەسنورى پارێزگاى هەولێرە کە نزیك دەبێتەوە لە هەزار و 100، سلێمانی زیاتر لە 750، دهۆك 580 و هەڵەبجە 15 كەسی تێپەڕاند.

 

ئاسۆ حەوێزى باسى لەوەشکرد، توشبووەکان بارودۆخیان جیاوازە، هەیانە لەژێر ئامێرى هەناسەدانى دەستکردایە، هەیانە لەژورى چاودێرى چڕە، بەکۆى گشتیش 50 کەسیان گیانیان لەدەستداوە.

 

ئەوەشى خستەڕوو، کە بەرزبوونەوەى ژمارەى توشبووان لەکەرتى تەندروستى ئەگەر بەم شێوەیە بەردەوام بێت لەگەڵ مانگرتنى هەندێ لە پزیشک و کارمەندان، کێشە بۆ نەخۆشخانەکان دروستدەکەن، لەکاتێکدا ئێستا هەرچۆنێک بووە خۆیان لەگەڵ دۆخەکە گونجاندووە.