گه‌ڕان

Shadow Shadow
سیاسه‌تی

مەلا هەڵۆ حەمەڕەشید ئازاد کرا

2020.10.21 - 10:56
مەلا هەڵۆ حەمەڕەشید ئازاد کرا

ناس کورد-

مەلا هەڵۆ حەمە ڕەشیدی بانگخواز و وتاربێژ لە زیندان ئازادکراوە و پارێزەرەکەشی دەڵێت "بە کەفالەت ئازاد بووە".

 

عەبدولسەلام ماوەتی، پارێزەری مەلا هەڵۆ (21ی تشرینی یەکەمی 2020) دەڵێت، "مامۆستا بە کەفالەت ئازاد کراوە."

 

رۆژی یەکشەممە (18ی تشرینی یەكەمی 2020) سەركەوت ئەحمەد، بەڕێوەبەری ڕاگەیاندن و پەیوەندییەكانی پۆلیسی سلێمانی  بە ناس كوردی راگەیاند، مەلا هەڵۆ لەلایەن بنكەی پۆلیسی بەختیارییەوە راگیراوە و هۆكارەكەشی سكاڵای پەیمانگەی هونەرەجوانەكانی سلێمانییە كە بەداواكاری گشتییان داوە، داواكاری گشتیش داواكەی جوڵاندووە و دادوەر بەپێی 433 لەیاسای سزادانی عێراقی بەتۆمەتی ناوزڕاندن رایگرتووە.

 

مەلا هەڵۆ حەمەڕەشید یەكێك لەمامۆستا ئاینییە ناسراوەكانی شاری سلێمانی، ساڵی رابردووش دوای بڵاوبوونەوەی گۆرانییەكی هونەرمەند ماریا هەورامی، مەلا هەڵۆ رەخنەی توندی لێگرت ئەوەش كاردانەوەی گەورەی بەدوای خۆیدا هێنا و پاشان داوای لێبوردنی لێكرد.