گه‌ڕان

Shadow Shadow
سیاسه‌تی

شاندەکەی کازمی هەلی وەبەرهێنان بۆ بانکە ئەڵمانییەکان لە عێراق دەدۆزنەوە

2020.10.20 - 18:41
شاندەکەی کازمی هەلی وەبەرهێنان بۆ بانکە ئەڵمانییەکان لە عێراق دەدۆزنەوە

ناس کورد-

بانکی ناوەندیی عێراق ڕایگەیاند، بەمەبەستی دۆزینەوەی دەرفەتی وەبەرهێنان بۆ بانکە ئەڵمانییەکان لە عێراق، پارێزگاری بانکی ناوەندی و وەزیری دارایی و سەرۆکی دەستەی وەبەرهێنانی عێراق و هەردوو وەزیری گەشەپێدان و ئابوریی ئەڵمانیا لە برلین کۆبوونەتەوە.

 

رەی ڕاگەیەندراوێکی بانکی ناوەندیی عێراق (سێشەممە 20ی تشرینی یەکەمی 2020) کە وێنەیەکی دەست ناس کورد کەوتووە ئاماژە بەوەدراوە، مستەفا غالب، پارێزگاری بانکی ناوەندیی عێراق، عەلی عەلاوی، وەزیری دارایی و سەها نەجار، سەرۆکی  دەستەی وەبەرهێنانی نیشتیمانیی عێراق لە بەرلین لەگەڵ هەردوو وەزیری گەشەپێدان و ئابووری ئەڵمانیا کۆبوونەتەوە".

 

ئاماژە بەوەشکراوە، کۆبوونەوەکە لە چوارچێوەی سەردانەکەی سەرۆکوەزیرانی عێراقدا بووە بۆ ئەڵمانیا و دۆزینەوەی هەلی وەبەرهێنان بۆ بانکە ئەڵمانییەکان بە هاوبەشی لەگەڵ بانکە عێراقییەکان تەوەری سەرەکی گفتوگۆی هەردوولا بووە. 

 

بەگوێرەی ڕاگەیەندراوەکە، بەرپرسانی ئەڵمانیا جەختیان لەوە کردووەتەوە کە ئەوان دەیانەوێت گەڕی داهاتووی دانوستانەکان لەوبارەیەوە لە شاری بەغدا ئەنجام بدرێت. 

 

ئەمڕۆ سێشەممە 20ی تشرینی یەکەمی 2020، مستەفا کازمی، سەرۆکوەزیرانی عێراق بەسەردانێکی فەرمی گەیشتە وڵاتی ئەڵمانیا و لەگەڵ ئینگیلا مێرکڵ، ڕاوێژکاری ئەو وڵاتە کۆبووەوە.