ئامارى نوێى کۆرۆنا لەعێراق ’سلێمانى لە پلەى یەکەمى گیانلەدەستداندایە بە کۆرۆنا’

ناس کورد-

وەزارەتى تەندروستى عێراق ڕاگەیەندراوێکى لەبارەى دۆخى کۆرۆنا لە 24 کاتژمێرى رابردووى شارەکانى عێراق و هەرێمى کوردستان بڵاوکردەوە.

 

لەراگەیەندراوەکەى وەزارەتى تەندروستى عێراق ئاماژە بەوە کراوە (20ى تشرینى یەکەمى 2020)، لە 24 کاتژمێرى رابردوودا لە تاقیگەکانى وەزارەت 3920 توشبووى نوێى کۆرۆنا تۆمارکراوون و 2602 توشبوو چاکبوونەتەوە و 49 توشبووش گیانیانلەدەستداوە.

 

بەگوێرەى راگەیەندراوەکەى وەزارەتى تەندروستى، شارى سلێمانى لە تۆمارکردنى ڕێژەى گیانلەدەستدان بە کۆرۆنا لەپلەى یەکەمدایە و لە 24 کاتژمێرى رابردوودا 13 گیانلەدەستدانى تیادا تۆمارکراوە.