گه‌ڕان

Shadow Shadow
سیاسه‌تی

بەرپرسێكی زانایان: وەك چۆن مەراسیمی مەولود ناكرێت با مەراسیمەكانی دیكەش نەكرێن

2020.10.19 - 23:25
بەرپرسێكی زانایان: وەك چۆن مەراسیمی مەولود ناكرێت با مەراسیمەكانی دیكەش نەكرێن

ناس كورد-
بەرپرسێكی یەكێتی زانایانی ئاینی ئیسلامی كوردستان رایدەگەیەنێت، وەك چۆن بەهۆی خۆپارێزی لە كۆرۆناوە ئەمساڵ مەراسیمی تایبەت بۆ مانگی مەولود ناكرێت، با لایڤ موزیك و گردبوونەوەكانی دیكەش نەكرێن.

 

مەلا عەتا پێنجوێنی، جێگری بەرپرسی لقی سلێمانی یەكێتی زانایانی ئاینی ئیسلامی كوردستان ئەمڕۆ 18ی تشرینی یەكەمی 2020 بە ناس كوردی راگەیاند، لە دوێنێوە مانگی مەولود دەستی پێكردووە و تا مانگێكی دیكەش بەردەوام دەبێت، بەڵام بەهۆی خۆپارێزی لەڤایرۆسی كۆرۆنا ئەنجومەنی باڵای فەتوا بڕیاریداوە مەراسیمی گشتی بۆ ئەو مانگە پیرۆزە نەكرێت.


پێنجوێنی وتی، "ئێمە وەك چۆن دەڵێین قەرەباڵغی نەكرێت بۆ خۆپارێزی لەڤایرۆسی لەكۆرۆنا بەنموونەش مانگی مەولود، هەمانكاتیش لایڤ موزیك و گردبوونەوەكانی دیكەش ئەنجام نەدرێن، چونكە ناكرێت لەلایەكەوە بوترێت گوێ بە مەراسیمەكانی دیكە نەدرێن و بكرێن، بەڵام مەراسیمە ئاینییەكان نەكرێن".


سەبارەت بەوەی ئەمساڵ بە چ شێوەیەك یادی مەولود بكرێتەوە، ئەو بەرپرسەی زانایان روونیكردەوە، هەر كەسێك دەتوانێت بەهەر جۆرێك هەستی خۆی لەم مانگەدا دەرببڕێت یادەكە بكاتەوە، ئەسڵەن كە باسی مەولود دەكرێت باسەكە بۆ ئەوەیە ئەخلاقیاتی پێغەمبەری ئیسلام لەژیانی رۆژانەی مرۆڤەكاندا جێبەحێ بكرێت ئەوە یادكردنەوەیەتی.