گه‌ڕان

Shadow Shadow
سیاسه‌تی

چوونە دەرەوەی وڵات لە ئەحمەد تورک قەدەغە کرا

2020.10.19 - 17:11
چوونە دەرەوەی وڵات لە ئەحمەد تورک قەدەغە کرا

ناس کورد-

ئەحمەد تورک، سیاسەتمەدارى دیارى کورد لە دادگاى مێردین دادگایی کرا و بەمەرجى قەدەغەکردنى چونە دەرەوەى لە تورکیا ئازادکرا.

 

ئاژانسى فورات نیوزى سەر بە پەکەکە (19ی تشرینی یەكەمی 2020) بڵاویکردەوە، ئەحمەد تورک هاوسەرۆکی شارەوانی مێردین کە پۆستەکەی لە لایەن دەوڵەتەوە لێی سەندراوەتەوە، بە بڕیاری داواکاری گشتی ئەنقەرە، بە مەبەستی لێپرسینەوە و وەرگرتنی وتە، بانگ کراوە بۆ دادگای مێردین.

 

ئاماژە بەوەشکراوە، ئەحمەد تورک بە رێگای سیستمی دەنگ و رەنگ وتەی وەرگیرا. لە بارەی بڵاوکردنەوەی بابەت و نووسین لە ناو تۆڕە کۆمەڵایەتیەکان، لێدوانێکی لە ٢٠ی ئەیلولی ٢٠١٤دا و بەشداریکردن لەو شاندەی چووبووە کۆبانێ، پرسیاری لێکرا.

 

ئەحمەد تورک وتی "ئەو تاوانانەی ئاڕاستەم کراون رەتدەکەمەوە".

 

دواى وەرگرتنى وتەکانى، لیژنەی دادوەرانی بە مەرجی قەدەغەکردنى چوونە دەرەوەی لە تورکیا، ئەحمەد تورکی ئازاد کرد.