گه‌ڕان

Shadow Shadow
سیاسه‌تی

ڕونکردنەوەیەک لەبارەى ئازادکردنى مەلا هەڵۆ

2020.10.19 - 16:14
ڕونکردنەوەیەک لەبارەى ئازادکردنى مەلا هەڵۆ

ناس کورد-

ئازادکردنى مەلا هەڵۆ بە کەفالەت ڕەتکرایەوە، ئەوەش دواى ڕۆژێک لە دەستگیرکردنى لەسەر سکاڵایەکى پەیمانگەی هونەرە جوانەكانی سلێمانی و داواكاری گشتی.

 

لە ڕونکردنەوەیەکدا کە لە لاپەڕەى فەرمى مەلا هەڵۆ لە فەیسبوک بڵاوکراوەتەوە (19ی تشرینی یەكەمی 2020) ئاماژە بەوەکراوە، "تا ئێستا مامۆستا هەڵۆ بە كەفالەت ئازاد نەكراوە، ئەو دەنگۆیەی كەوا گردبوونەوە دەكرێت ئێمە لێی بەرپرس نین و پەیوەندی بە ئێمەوە نییە".

 

سەركەوت ئەحمەد، بەڕێوەبەری ڕاگەیاندن و پەیوەندییەكانی پۆلیسی سلێمانی (18ی تشرینی یەكەمی 2020) بە ناس كوردی ڕاگەیاند، مەلا هەڵۆ لەلایەن بنكەی پۆلیسی بەختیارییەوە راگیراوە و هۆكارەكەشی سكاڵای پەیمانگەی هونەرەجوانەكانی سلێمانییە كە بەداواكاری گشتییان داوە، داواكاری گشتیش داواكەی جوڵاندووە و دادوەر بەپێی 433 لەیاسای سزادانی عێراقی بەتۆمەتی ناوزڕاندن رایگرتووە.



مەلا هەڵۆ حەمەڕەشید یەكێك لەمامۆستا ئاینییە ناسراوەكانی شاری سلێمانی، ساڵی رابردووش دوای بڵاوبوونەوەی گۆرانییەكی هونەرمەند ماریا هەورامی، مەلا هەڵۆ رەخنەی توندی لێگرت ئەوەش كاردانەوەی گەورەی بەدوای خۆیدا هێنا و پاشان داوای لێبوردنی لێكرد.