گه‌ڕان

Shadow Shadow
سیاسه‌تی

لە پەروەردەی گشتیی سلێمانی بایکۆت بەردەوامە و بە مەرجێک دەگەڕێنەوە

2020.10.19 - 10:35
App store icon Play store icon Play store icon
لە پەروەردەی گشتیی سلێمانی بایکۆت بەردەوامە و بە مەرجێک دەگەڕێنەوە

ناس کورد_

فەرمانبەرانی بەڕێوەبەرایەتیی گشتیی پەروەردەی سلێمانی بەردەوامن لە بایکۆتی دەوام و داوای موچەی مانگەکانی پێشتووتریان دەکەن، بەڵام فەرمانبەرانی پەروەردەی رۆژئاوا لە دەوام بەردەوامن.

کەناڵی ناس کورد لە تێلیگرام جۆین بکە   

 

سەرچاوەیەک لە بەڕێوەبەرایەتیی گشتیی پەروەردەی سلێمانی ئەمڕۆ دووشەممە 19ی تشرینی یەکەمی 2020، بە ناس کوردی راگەیاند، فەرمانبەرەکانیان بایکۆتی دەوامیان کردووە و داوای مووچەی رابردوو دەکەن.

 

وتیشی، بەهۆی ئەوەی ئەو فەرمانبەرانە داوای مافی خۆیان دەکەن، ناتوانن لێپێچینەوەیان لەگەڵ بکەن.

 

‎هاوکات، بەکر محەمەد، بەڕێوەبەری پەروەردەی رۆژئاوای سلێمانی رەتیکردەوە فەرمانبەرانی پەروەردەی ڕۆژئاوا مانیان گرتبێت و بەناس کوردی راگەیاند، سەرجەم فەرمانبەرانیان بەشێوەیەکی ئاسایی دەوام دەکەن.

ئەوەش لەکاتێکدایە، لە دوو ڕۆژی ڕابردوودا مووچەی مانگی ئەیلولی وەزارەتی پەروەردە دابەشکرا، ئەگەرچی دەبوو موچەی مانگی نیسان بوایە، بەڵام بە بڕیارێک لیستی موچە لە مانگی نیسانەوە گۆڕدا بۆ ئەیلول و تائێستا چارەنوسی موچەی پێنج مانگی ڕابردووی سەرجەم فەرمانبەران نادیارە.