گه‌ڕان

Shadow Shadow
سیاسه‌تی

مەرجى فەرمانبەرانی پەروەردەی رۆژئاوای سلێمانی بۆ دەستکردنەوە بە دەوامکردن ئاشکراکرا

2020.10.18 - 20:59
مەرجى فەرمانبەرانی پەروەردەی رۆژئاوای سلێمانی بۆ دەستکردنەوە بە دەوامکردن ئاشکراکرا

ناس كورد-

دوای وەرگرتنی مووچەكانیان، بڕیارە فەرمانبەرانی پەروەردەی رۆژئاوای سلێمانی دوو رۆژ بەتەناوب دەوام بكەن، بەڵام مەرجیان ئەوەیە دەبێت فەرمانبەرانی بەڕێوەبەرایەتی گشتیش دەوام بكەن.

 

بەكر محەمەد، بەڕێوەبەری پەروەردەی رۆژئاوای سلێمانی (18ی تشرینی یەكەمی 2020) بە ناس كوردی راگەیاند، دوای داواكارییان لەمامۆستایان بۆ دەستپێكردنەوەی دەوامی قوتابخانەكان، ئەمڕۆش لەگەڵ فەرمانبەرانی دیوان كۆبوونەتەوە بۆ ئەوەی دەوامەكانیان رێك بخەنەوە، بەو شێوەیەش رێككەوتوون كە لەهەفتەیەكدا دوو رۆژ بەتەناوب دەوام بكەن، رۆژانی پێنجشەممەش بەرپرسی بەش و هەندێك لەفەرمانبەران دەوام بكەن.

 

ناوبراو ئاماژەی بەوەكرد، كە فەرمانبەرانیان بۆ دەوامكردنیان مەرجیان ئەوە بووە فەرمانبەرانی بەڕێوەبەرایەتی گشتیش كە بەهۆی دواكەوتنی موچەوە بایكۆتی دەوامیان كردووە دەست بەدەوامكردن بكەنەوە، چونكە كارەكانی پەروەردەی رۆژئاواش پەیوەستە بەپەروەردەی گشتییەوە، وەك زانیاریشیان هەبێت فەرمانبەرانی بەڕێوەبەرایەتی گشتی پەروەردەش بەڵێنیان داوە دەوام بكەنەوە.

 

ئەمڕۆ مامۆستایان و فەرمانبەرانی پەروەردەی سلێمانی مووچەی مانگی رابردوویان وەرگرت ئەمەش دوای دواكەوتنی مووچەكانیان بۆ ماوەی دوو مانگ.