گه‌ڕان

Shadow Shadow
سیاسه‌تی

ژنێک دوو منداڵى خۆى لەسەر پردێکەوە خستە ناو ڕووبارى دیجلەوە [ڤیدیۆ]

2020.10.18 - 17:10
ژنێک دوو منداڵى خۆى لەسەر پردێکەوە خستە ناو ڕووبارى دیجلەوە [ڤیدیۆ]

ناس كورد-

ژنێک لەسەر پردێکى سەر ڕووبارى دیجلە لەشارى بەغدا دوو منداڵى خۆى دەخاتە خوارەوە و ڕوداوەکەش کاردانەوەى زۆرى لێدەکەوێتەوە.

 

بەگوێرەى گرتە ڤیدیۆیەک کە لەلایەن چالاکوانانى عێراقیەوە لەتۆڕە کۆمەڵایەتیەکاندا بڵاوکراوەتەوە و ناس کورد بەدواداچونى بۆ کردووە، ژنێک هەردوو منداڵەکەى خۆى لەسەر پردى ئەئیمەوە لەسەر ڕوبارى دیجلە لەناو شارى بەغداوە هەڵدەداتە خوارەوە.

 

منداڵەکان یەکێکیان کوڕە تەمەنى سێ ساڵانە و ئەوى تریان کچە و تەمەنى دوو ساڵانە و بەهۆیەوە هەردووکیان گیانلەدەستدەدەن و لەلایەن دەسەڵاتدارانەوە تەرمەکان دەردەهێنرێنەوە و ژنەکەش دەستگیر دەکرێت.

 

بەگوێرەى چالاکوانان، هۆکارى ڕوداوەکە دروستبوونى کێشە و دەمەقاڵێێ ژنەکە لەگەڵ پیاوەکەیدا بووە کە لێى جیابووەتەوە و بەخێوکردنى منداڵەکان لەئەستۆى ژنەکەدا ماوەتەوە بەپێى یاسا.

لەگرتەیەکى ڤیدیۆیى تردا، باوکى منداڵەکان دەچێتە شوێنى ڕوداوەکە و بۆ مناڵەکانى دەستدەکاتە ناڵە و گریان و چالاکوانانیش بەو هۆیەوە داواى هەموارکردنەوەى یاسایى لەئەستۆگرتنى منداڵ دەکەن لەکاتى جیابونەوەدا.