گه‌ڕان

Shadow Shadow
سیاسه‌تی

پیرۆزبایی سێ پەرلەمانتاری کورد لە حەشدی شەعبی بەهۆی دەرهێنانی کەرکوک لە دەستی پێشمەرگە

2020.10.18 - 11:43
پیرۆزبایی سێ پەرلەمانتاری کورد لە حەشدی شەعبی بەهۆی دەرهێنانی کەرکوک لە دەستی پێشمەرگە

ناس کورد-

سێ پەرلەمانتاری کورد لە بەغدا ساختەکردنی بەڵگەنامەیەک ئاشکرا دەکەن کە گوایە ئەوان لە 16ی ئۆکتۆبەردا دەستخۆشییان لە هێزەکانی حەشدی شەعبی کردوە "بۆ دەرهێنانی کەرکوک لە ژێر دەستی پێشمەرگە."

 

ئەحمەدی حاجی ڕەشید، غالب محەمەد و سەرکەوت شەمسەدین ڕونکردنەوەیەکیان (18ی تشرینی یەکەمی 2020) بڵاوکردووەتەوە و دەڵێت، "دوای ئەو شکستەی پارتی لە ئیدارەدانی هەرێم و لە دزینی موچەی فەرمانبەران و زیادبونی تاڵانکاری لە سنورەکان و زیادکردنی باج و سەرانە لەسەر هاوڵاتیان ئێستا پەیجەکانی سەربە پارتی دیموکراتی کوردستان دەیانەوێت سەرنجی خەڵک لەسەر بابەتە گرنگەکان لابەرن ئەویش بە ساختەکردنی بەڵگەنامەکان و واژوی ئێمە."

 

دەشڵێن، "دواترین کاری پەیجەکانی سەر بە پارتی ساختەکردنی بەڵگەیەکە کە گوایە ئێمە لە رۆژ 16ی ئۆکتۆبەر پیرۆزبایمان لە حەشدی شەعبی کردوە بەهۆی دەرهێنانی کرکوک لە دەستی پێشمەرگە."

 

دەقی ڕونکردنەوەکە:

شکستەکانتان بە ساختەکردنی واژوی ئێمە ناشاردرێتەوە

دوای ئەو شکستەی پارتی لە ئیدارەدانی هەرێم و لە دزینی موچەی فەرمانبەران و زیادبونی تاڵانکاری لە سنورەکان و زیادکردنی باج و سەرانە لەسەر هاوڵاتیان ئێستا پەیجەکانی سەربە پارتی دیموکراتی کوردستان دەیانەوێت سەرنجی خەڵک لەسەر بابەتە گرنگەکان لابەرن ئەویش بە ساختەکردنی بەڵگەنامەکان و واژوی ئێمە.

دواترین کاری پەیجەکانی سەر بە پارتی ساختەکردنی بەڵگەیەکە کە گوایە ئێمە لە رۆژ ۱٦ ئۆکتۆبەر پیرۆزبایمان لە حەشدی شەعبی کردوە بەهۆی دەرهێنانی کەرکوک لە دەستی پێشمەرگە.

پارتی دەیەوێت ئەوە لە بیر خۆی بباتەوە کە ئەوان بون دەنگیان بۆ یاسای حەشدی شەعبی دا و ئەوانن لە بەغداد لەپێناو بەدەستهێنانی پۆست و پارە هاوپەیمان و دۆستی هێزە تائیفی و فاشیەکانن.

هاوڵاتیان ئێمە دەناسن و ئێوەش دەناسن. خەڵک متمانە بەخۆتان ناکەن نەک پەیجە ساختەکانتان کە زمانحاڵی راستەقینەی حزبەکەتانە.

تێبینی: لە دۆکیۆمێنتە ساختەکەی پارتی بەرواری واژووەکان پێش صادرە یە کە مەگەر لای پارتی شتی وا بگونجێ.

1. ئەحمەد حاجی رەشید
2. غالب محمد عەلی
3. سەرکەوت شەمسەدین
۱۸ ی ئۆکتۆبەر ۲٠۲٠

me_ga.php?id=1268me_ga.php?id=1267