گه‌ڕان

Shadow Shadow
سیاسه‌تی

هێمن هەورامی وەڵامی مەسرور بارزانی بۆ پرساندنی خۆی و جێگرەکەى ئاشکرا دەکات

2020.10.18 - 11:07
هێمن هەورامی وەڵامی مەسرور بارزانی بۆ پرساندنی خۆی و جێگرەکەى ئاشکرا دەکات

ناس کورد-

هێمن هەورامی، جێگیری سەرۆکى پەرلەمانی کوردستان ئاشکرای کرد، داواکاری پرساندنی سەرۆکی حکومەتی هەرێم و جێگر و وەزیری دارایی ڕەوانەی ئەنجومەنی وەزیران کراوە و ئەوانیش وەڵامیان داوەتەوە.

 

هێمن هەورامی لە کۆنگرەیەکی ڕۆژنامەوانیدا (18ی تشرینی یەکەمی 2020) ئاشکرای کرد، "ڕۆژی 30ی ئەیلول جارێکی تر بە واژۆی 23 پەرلەمانتار داوای پرساندنی سەرۆک و جێگری و وەزیری دارایی هەرێم کراون، ئێمەش ڕەوانەى حکومەتمان کرد، دەبوو لە 14 رۆژدا وەڵام بدەنەوە، بەڵام ئەوان پێش تەواوبوونی وادەکە و لە 11ی ئەم مانگەدا وەڵامیان داوەتەوە."

 

جێگری سەرۆکی پەرلەمان ئاماژەی بەوەشكرد: "لە نزیکترین کاتدا سەرۆکایەتی پەرلەمان پرساندن و وەڵامی پرساندنەکە دەخەنە کاری دانیشتنی پەرلەمانەوە و گفتوگۆی لەبارەوە دەکرێت."

 

لەماوەی ڕابردوودا، 23 پەرلەمانتار یاداشتێکیان بۆ پرساندنی سەرۆکی حکومەت و جێگرەکەی و وەزیری دارایی واژوو کرد، ئەگەرچی لەدوای ئەوە و لەسەر داوای سەرۆکی حکومەت دانیشتنێکی پەرلەمان ڕێکخرا و تیمێکی حکومەت چوونە پەرلەمان، بەڵام ئەو پەرلەمانتارانە سوورن لەسەر ئەنجامدانی دانیشتنی پرساندنەکە.