پێنج فراکسیۆنى کوردی ڕاگەیەندراوێکیان لەبارەى سیاسەتى پارتی لە بەغدا بڵاوکردەوە

ناس کورد- فراکسیۆنەکانى گۆڕان و نەوەى نوێ و یەکگرتوو و کۆمەڵ و سەربەخۆ لە پەرلەمانی کوردستان ڕاگەیەندراوێکیان لەبارەى سیاسەتى پارتی بڵاوکردەوە و ڕایانگەیاند، ڕای گشتی ئاگادار دەکەنەوە کە پارتی لە بەغدا ھیچ بایەخێك بۆ پاراستن و گەرەنتیکردنی بەرژەوەندی باڵای گەلی کوردستان دانانێت. لە ڕاگەیەندراوەکەدا هاتووە، "پارتی ھەموو ھێزی خۆی بۆ دابینکردنی بەرژەوەندی تەسکی حیزبی تەرخانکردووە ئەگەر بە نرخی پەرتکردن و دروستکردنی ناکۆکیش بێت لە نێوان فراکسیۆنە کوردستانیەکان." دەشڵێن، "بۆیە دەمانەوێت بە راشکاوی ھەمووان لەو سیاسەتەی پارتی ئاگادار بکەینەوە و ئەنجامە خراپەکانی پارتی لێی بەرپرسیارە."