گه‌ڕان

Shadow Shadow
سیاسه‌تی

پەیامێک لە مەزڵوم کۆبانێوە لەبارەى ڕووداوەکانی بەغدا

2020.10.18 - 08:52
پەیامێک لە مەزڵوم کۆبانێوە لەبارەى ڕووداوەکانی بەغدا

ناس کورد-

مەزڵوم کۆبانێ، فەرماندەی هێزەکانی سوریای دیموکرات پەیامێکی لەبارەى سوتاندنی ئاڵای کوردستان و لقی پارتی لە بەغدا بڵاوکردەوە و دەڵێت، "سوتاندنی ئاڵا و سونبول و بارەگاکان ڕەفتارێکی شارستانیانە نییە بۆ دەربڕینی ناکۆکییە سیاسییەکان."  

 

مەزڵوم کۆبانێ لە تویتێکدا کە ناس کورد بینیویەتی دەڵێت (18ی تشرینی یەکەمی 2020)، "سەدان هەزار كەس لە ڕۆڵەكانی گەلی كوردمان لە هەرێمی كوردستان لە پێناو بەرزكردنەوەی ئاڵاكەیان و ئازادكردنی خاكەكەیان لە دیكیتاتۆرییەت و تیرۆر و بەرقەراربوونی ئاشتی شەهید بوون."

 

دەشڵێت، "پێویستە پارێزگاری لە پیرۆزی و سونبولی گەلان بکرێت و تێکدەرانی بنەماکانی پێکەوەژیانیش سزا بدرێن."

 

ڕۆژی شەممە، 18ی تشرینی یەکەمی 2020، لایەنگرانی حەشدی شەعبی لەدژی لێدوانەکانی هۆشیار زێباری، ئەندامی مەکتەبی سیاسیی پارتی لەدژی ئەو لایەنە، هەڵیانکوتایە سەر بارەگای لقی پارتی لە بەغدا و سوتاندیان، هاوکات چەندین ئاڵای کوردستانیان سوتاند و سوکایەتییان پێ کرد.

me_ga.php?id=1265