گه‌ڕان

Shadow Shadow
سیاسه‌تی

هۆکار چییە؟

ڕێژەی گواستنەوەی کۆرۆنا لە ناو فڕۆکەکاندا نزیکە لە سفر

2020.10.18 - 00:13
  ڕێژەی گواستنەوەی کۆرۆنا لە ناو فڕۆکەکاندا نزیکە لە سفر

ناس کورد-

توێژینەوەیەکی زانستیی ئەمریکی ئاشکرایکرد، پۆشینی دەمامک و سیستمی هەواگۆڕکێی ناو فڕۆکەکان لەکاتی ئەنجامدانی گەشتە ئاسمانییەکاندا دەرفەتی توشبوون بەڤایرۆسی کۆرۆنا زۆر کەمدەکاتەوە، ئاماژە بەوەشکراوە، مەترسی لەسەر توشبوونی سەرنشینەکانی ناو فڕۆکەکان نییە ئەگەر تەنانەت توشبوویەکی کۆرۆناش لەناو فڕۆکەکەدا هەبێت.

 

ئاژانسی هەواڵی "سکای نیوز"ی بەریتانی ( 17ی تشرینی یەکەمی 2020) بڵاویکردەوە، توێژینەوەیەکی زانستی وەزارەتی بەرگریی ئەمریکا دەریخستووە: "  ئەگەر توشبووییەکی ڤایرۆسی کۆرۆنا لەناو فڕۆکەیەکدا هەبێت و دەمامکی پۆشیبێت ئەوا بەرێژەی 0.003% ئەگەری هەیە ڤایرۆسەکە بگوازێتەوە بۆ سەرنشینەکانی تەنیشتی لەناو فڕۆکەکەدا".

 

ئاماژە بەوەشکراوە: "لەناو فڕۆکەکاندا تەنها ئەو گەردیلە هەوایانەی کە نزیکن لە دەموچاوی توشبووەکەوە  دەجوڵێن، هەر ئەو گەردیلانەش ئەگەری هەیە ڤایرۆسەکە بگوازێتەوە، بۆیە دەرفەتی توشبوونی کەسانی تر لە ناو فڕۆکەکاندا زۆر لاوازە، تەنانەت ئەگەر فڕۆکەکەش پڕ بێت لەسەرنشین".

 

تۆبی ئیتفکیست، گەورە بەرپرسی کۆمپانیای " یونایتد ئێرلاینز"ی ئەمریکی لەوبارەیەوە دەڵێت: "توێژینەوەکە لەناو دوو فڕۆکەی جۆری بۆینگ 777 ئەنجامدراوە، لەئاکامدا دەرکەوتووە پۆشینی دەمامک و سیستمی هەواگۆڕکێی ناو فڕۆکەکە ڕێگریدەکەن لە  بڵاوبوونەوەی تنۆک و گەردیلەکانی پژمین و کۆکە لە ناو فڕۆکەکاندا، بەجۆرێک سیستمی هەواگۆڕکێی فرۆکەکان دەتوانێت 99.99%ی ئەو تنۆک گەردیلانە لەماوەی شەش خولەکەدا پاگژە بکات و ئاڕاستەی دەرەوەی فڕۆکەکەی بکات".

 

توێژینەوە ئەمریکییەکە ئەوەشی ئاشکراکردووە، بۆگواستنەوەی ڤایرۆسی کۆرۆنا لەناو فڕۆکەدا ئەوا دەبێت گەشتی ئەو فڕۆکەیە نزیکەی 56 کاتژمێر بەردەوام بێت بە ئاسمانەوە، بەپێچەوانەوە بەهیچ شێوەیەک مەترسی بڵاوبوونەوەی کۆرۆنا لەناو فڕۆکەکاندا نییە، بۆیە  دەبێت ئەو  قەدەغانەی کە پێشتر بەسەر کەرتی فڕۆکەوانیدا سەپێندرابوون  لە ئێستادا کەمبکرێتەوە.