گه‌ڕان

Shadow Shadow
سیاسه‌تی

وێنەکەی ببینە

تۆمەتباری سەرەکیی ڕووداوی هێرشکردنەسەر کارمەندە تەندروستییەکەی هەولێر دەستگیرکرا

2020.10.17 - 16:41
تۆمەتباری سەرەکیی ڕووداوی هێرشکردنەسەر کارمەندە تەندروستییەکەی هەولێر دەستگیرکرا

ناس کورد-

بەڕێوەبەرایەتیی پۆلیسی هەولێر ڕایگەیاند، لەدوای هەڵکوتانەسەر دەرمانخانەیەک و هێرشکردنەسەر کارمەندێکی تەندروستی لە هەولێر، تۆمەتباری سەرەکی رووداوەکەیان دەستگیرکرد و بەشوێن تۆمەتبارەکەی دیکەشدا دەگەڕێن.

 

بەڕێوەبەرایەتیی پۆلیسی هەولێر لەڕاگەیەندراوێکدا (شەممە 17ی تشرینی یەکەمی 2020) ڕایگەیاند: "دوای بڵاوبوونەوەی گرتە ڤیدیۆیەک لە نێو تۆرە کۆمەلایەتیەکان کە دووکەس ھەلدەکوتنەسەر دەرمانخانەیەک لە شاری ھەولێر تیمێکی تۆکمەمان پێھێنا و بە  کەمتر لە 24 کاتژمێر رۆژی ھەینی  تۆمەتبارێکی سەرەکیمان بەناوی (ف .ع .ق )دەستگیر کرد."

 

ئاماژەی بەوەشكردووە: "ھێزەکانمان سەرقالی دستگیرکردنی تۆمەتباری دووەمن دەستبەجێش  پەراوی بۆ کراوە و درایە دەست یاسا بەپێی مادەی(430) لە یاسای سزادان."

 

پۆلیسی هەولێر دەشڵێت: " دلنیایی دەدەینە ھاولاتیانی خۆشەویستی شاری ھەولێر کە پۆلیس شەو و رۆژ  لە ئەرکدا دەبن بۆ پاراستنی سەرومالیان بەرقەراربوونی ئەمنیەت وە خۆشمان بەخزمەتکاری ھاولاتیان دادەنێین."

 

لەچەند ڕۆژی ڕابردوودا گرتەیەلی ڤیدیۆیی بڵاوبووەوە کە تێیدا، لەشآری هەولێر دوو کەس هەڵدەکوتنەسەر دەرمانخانەیەک و هێرشدەکەنەسەر کارمەندێک و دواتر دەرۆن.