گه‌ڕان

Shadow Shadow
سیاسه‌تی

بڕیار لەسەر مەراسیمەکانى یادى مەولود درا

2020.10.17 - 15:15
بڕیار لەسەر مەراسیمەکانى یادى مەولود درا

ناس کورد-

لیژنە‌ی ڤیستیڤاڵی مانگی مەولود لە هەولێر بڕیاری دا ئەمساڵ هیچ چالاکى و مەراسیمێک ئەنجام نەدرێت.

 

فوئاد ئەحمەد، سەرۆکى کۆمەڵەى قورئان خوێنانى کوردستان لە هەژمارى خۆى لە فەیسبوک نوسیویەتى، ئەمڕۆ لیژنەکەیان کۆبووەتەوە بڕیاردراوە بۆ پارستنی باری تە‌ندروستی لە‌ پە‌تای كۆرۆنا ھیچ جۆرە‌ مە‌راسیمێك ئە‌نجام نەدرێت.



ئاماژەى بەوەشکردووە، بڕیارەکە ناچارى بووە و بۆ پاراستنی گیانی ھاوڵاتیان دراوە.



دیوانی وەقفی سوننەی بەغدا لە بەیاننامەیەكدا كە وێنەی لای "ناس" هەیە (16 تشرینی یەكەمی 2020) رۆژی شەممەی بەكۆتا رۆژی مانگی "صفر" راگەیاند لەبەر نەبینینى مانگ و یەكشەممە 18 تشرینی یەكەمی 2020 بەیەكەم رۆژی مانگی رەبیعی یەكەم دیاریکرد كە بەمانگی مەولود بەناوبانگە لە كوردستان.



بەیاننامەكە باس لەوەش دەكات رۆژی پێنجشەممە، 29 تشرینی یەكەمی 2020، ساڵیادی لەدایكبونی پێغەمبەری ئیسلامە (درودی خوای لەسەر بێت).



مەولود كە ساڵیادی لەدایكبوونی پێغەمبەرە بەلای ئەهلی تەسەوف و عیرفانەوە گرنگی و بایەخی زۆری پێ دەدرێت لەوڵاتانی ئیسلامی، لە كوردستاندا لەسەردەمی سوڵتان موزەفەرەدینی كوكەبەری (1153 _ 1232 ز) لەشاری هەولێر بەشێوەیەكی بەرفراوان گرنگی پێدراوە و مەراسیمی بۆ سازكراوە، بەڵام بەلای ڕەوتی سەلەفییەوە بیدعەو داهێنراوێكی لاساییكردنەوەی مەسیحییەكانە.