گه‌ڕان

Shadow Shadow
سیاسه‌تی

قوباد تاڵەبانی: سوتاندنی ئاڵای کوردستان و بارەگای پارتی قبوڵ ناکەین

2020.10.17 - 15:03
قوباد تاڵەبانی: سوتاندنی ئاڵای کوردستان و بارەگای پارتی قبوڵ ناکەین

ناس کورد-

قوباد تاڵەبانی، جێگری سەرۆکى حکومەتى هەرێم ڕایگەیاند، "سوتاندنی ئاڵای پیرۆزی کوردستان كە سیبمولی باڵای گەلەكەمانە و هەروەها هەڵكوتانە سەر بارەگای پارتی دیموكراتی كوردستان لە بەغدا بە شێوازێكی نایاسایی و ناشارستانی جێگای قبوڵکردن نییە."

 

 

دەقی پەیامەکە:

سووتاندنی ئاڵای پیرۆزی کوردستان كە سیمبولی باڵای گەلەكەمانە، هەروەها هەڵكوتانە سەر بارەگای پارتی دیموكراتی كوردستان لە بەغدا، بە شێوازێكی نایاسایی و ناشارستانی جێگای قبوڵکردن نییە و هێرشە بۆسەر هەموو پیرۆزی و بارەگا کوردستانییەكان، لە پایتەختی فیدراڵی عێراق.

بە توندی ئیدانەی ئەم هەنگاوە دەکەم، داواش لە هێزە عێراقییە هاوپەیمان و دۆستەکانمان دەكەین لە بەغدا لەسەر ئەم بێڕێزیکردنە بێنە دەنگ، كە پێشێلکردنێکی گەورەی یاسا و دەستور و سیمای فرەجۆری عێراقە و زاڵكردنی هێزی چەكە بەسەر مەنتیقی عەقڵ و دیالۆگدا، ئەمەش دەمانخاتە بەردەم بەرپرسیارێتی گەورەی یەكڕیزی و یەك هەڵوێستی كورد بۆ بەرەنگاربوونەوەی مەترسییەكانی سەرمان، کە ئەمڕۆ گەلەکەمان لەهەموو کات زیاتر پێویستی بەیەکریزی و تەبایی هەیە.