گه‌ڕان

Shadow Shadow
سیاسه‌تی

دوا زانیارى لەبارەى بڕینەوەى موچە بۆ کرێکاران و خانەنشینکردنیان لەلایەن بەغداوە

2020.10.17 - 10:33
دوا زانیارى لەبارەى بڕینەوەى موچە بۆ کرێکاران و خانەنشینکردنیان لەلایەن بەغداوە

ناس کورد-

 

وەزیرى کاروکاروبارى کۆمەڵایەتى عێراق ئاشکرایدەکات، بەپێى پڕۆژە یاسای خانەنشینى و بیمەى کۆمەڵایەتى موچە بۆ کرێکاران دەستەبەر دەکرێت و خانەنشینى دەیانگرێتەوە.

 

عادل ڕەکابى وەزیرى کارو وکاروبارى کۆمەڵایەتى عێراق بەڕۆژنامەى سەباحى فەرمى ڕاگەیاندووە (17ى تشرینی یەکەمی 2020) "وەزارەتى کار ڕەشنوسى پڕۆژە یاسای هەموارکردنى خانەنشینى و بیمەى کۆمەڵایەتى تەواو کردووە و بەمنزیکانە پێشکەشى پەرلەمان دەکرێت، بەپێى یاساکە موچە بۆ کرێکار لەکەرتى تایبەتدا دەبڕدرێتەوە لەبرى بەخشین بۆ ئەوەى هاوسەنگ بکرێت لەگەڵ موچەى فەرمانبەرانى کەرتى حکومى".

 

ئاماژەى بۆ ئەوەشکردووە، خانەنشینى و بیمەى کۆمەڵایەتى بارودۆخى کرێکار و پەیوەندییەکانى لەگەڵ خاوەن کاردا ڕێکدەخات، هەروەها ئیمتیازات دەبەخشێتە چینى کرێکارو پاراستنى مافەکانى، گەر پابەند بونێکى جدیش هەبێت لەچوارچێوەى یاسادا ئەوا خواست لەسەر دامەزراندن لەکەرتى حکومیدا ئەوا کەم دەبێتەوە بەو پێیەى یاساکە مافى کرێکار دەپارێزێت.

 

ڕەکابى  ڕوونیکردووەتەوە، مانگانە بەبڕى 5% لەکرێى کرێکارەکە گلدەدرێتەوە و لەخاوەن کارەکەش بەڕێژەى 12% گلدەدرێتەوە و کە مانگانە دەکاتە بڕى 17% لەکۆى ئەو پارانەى کە لەکەرتى تایبەت کۆدەکرێنەوە و دەخرێتە سندوقى خانەنشینى و بیمەى کۆمەڵایەتى، ئەوەش بەشدارییەکى باشە بۆ پاراستنى مافى کرێکار لەکاتى پیر بون و خانەنشینى و بەرکەوتنى بۆ دابینکردنى بیمەکەى.

 

ئەوەشى خستووەتەڕوو 33 هەزار کرێکار یاسا نوێیەکە دەیانگرێتەوە کە لە پێنج پارێزگاى باشور و پارێزگاکانى کەرکوک و نەینەوا ناونوسکراون و بەردەوامیش دەبن لە تۆمارکردنى ناوى کرێکاران.