گه‌ڕان

Shadow Shadow
سیاسه‌تی

لایەنگرانی حەشدی شەعبی بەربەستی ئەمنییان بڕی و هێرشیان کردە سەر بارەگای لقی پارتی

2020.10.17 - 10:01
لایەنگرانی حەشدی شەعبی بەربەستی ئەمنییان بڕی و هێرشیان کردە سەر بارەگای لقی پارتی

ناس کورد-

لایەنگرانی حەشدی شەعبی لە دژی لێدوانەکانی هۆشیار زێباری، ئەندامی مەکتەبی سیاسیی پارتی هێرشیان کردە سەر بارەگای لقی ئەو پارتی لە بەغدا و هەوڵی سوتاندنی دەدەن.


سەرەتا هێزێکی ئەمنی زۆر لە بەردەم بارەگای لقی پارتی دانرابوون، بەڵام لایەنگرانی حەشد بەربەستەکەیان تێپەڕاند و چەندین دروشم دەڵێنەوە دژی پارتی و هۆشیار زێباری کە "سوکایەتی بە هێزەکانی حەشدی شەعبی کردبوو."

لایەنگرانى حەشدى شەعبى بۆ ناڕەزایەتى دەبڕین چوونە بەردەم بارەگای لقی پارتى لە بەغدا و بۆ پاراستنى ئەو بارەگاکەش هێزێکی زۆری چالاکە مەدەنییەکان بەوێ جێگیرکراون، لایەنگرانی حەشد ئاڵای کوردستان و وێنەی هۆشیار زێبارییان سوتاند.  

  

بەپێى گرتە ڤیدیۆیەک کە دەستى ناس کورد کەوتووە، لایەنگرانی حەشدی شەعبی لە بەردەم بارەگاکە ئاڵای کوردستان و وێنەی هۆشیار زێباری، وەزیری پیشووتری دارایی عێراقیان سوتاند.  


  

هاوکات بۆ پاراستى بارەگاکانى پارتى لەبەردەم توڕەى لایەنگرانى حەشدى شەعبیدا، مستەفا کازمى، سەرۆک وەزیرانى عێراق هێزى بەرەنگاربوونەوەى گێرەشێوێنى ڕەوانەى بەردەم بارەگاکانى ئەو حزبە لە بەغدا کرد.  

  

خۆپیشاندەران دروشم لەدژى پارتى دەڵێنەوە  و ئیدانەى لێدوانەکەى ئەو بەرپرسەى پارتى دەکەن.  

  

توڕەبونى لایەنگرانى حەشدى شەعبى دواى ئەوە هات، هۆشیار زێبارى وەزیرى لەسەر کارلابراوى دارایى عێراق لەمیانەى چاوپێکەوتنێکى تەلەفزیۆنیدا ئەوەى ڕاگەیاند:" ئەو گروپانەى هێرشیان کردە سەر هەولێر هەر ئەو گروپانەن کە لەبەغدا هێرش دەکەنە سەر دیپلۆماتکاران "