گه‌ڕان

Shadow Shadow
سیاسه‌تی

پەرلەمانتارێکى پارتى ڕاستى ڕێککەوتنی ئەوان و یەکێتى لەگەڵ سەدرییەکان دەخاتەڕوو

2020.10.17 - 09:20
پەرلەمانتارێکى پارتى ڕاستى ڕێککەوتنی ئەوان و یەکێتى لەگەڵ سەدرییەکان دەخاتەڕوو

ناس کورد-

پەرلەمانتارێکى پارتى لە پەرلەمانى عێراق ڕایگەیاند، ئەوان و یەکێتى ڕێککەوتنى نهێنیان لەگەڵ سەدرییەکان نەکردووە لەبارەى پرسى فرە بازنەیی لە یاساى نوێی هەڵبژاردنەکان.

 

دانا جەزا بە ناس کوردى ڕاگەیاند  (17ی تشرینی یەكەمی 2020)، "هەر ڕێککەوتنێکى نێوان پارتى و یەکێتى لەسەر ئەو پرسە بۆ بەرژەوەندى گەل بووە نەک بەرژەوەندى حزبى تەسک".

 

لەبارەى دەنگۆى ڕێککەوتنیان لەگەڵ هاوپەیمانى سائیرونى سەر سەدر، دانا جەزا وتى "هیچ رێککەوتنێکى نهێنیمان نەکردووە، ئەگەر رێککەوتن هەبوایە بە ئاشکرا دەمانکرد".

دانا جەزا جەختیکردەوە، ئەو پرسە بە خواستى پارتى و یەکێتى نەرۆیشتووە، بەڵکو لەژێر فشارى شەقامدا بووە.

 

لەبارەى هۆکارى نەبوونى هەڵوێستێکى یەکگرتووى کورد لەو بارەیەوە، پەرلەمانتارەکەى پارتى باسى لەوەکرد "لایەنەکانى دەرەوەى پارتى و یەکێتى سەرەتا خۆیان لەگەڵ فرە بازنەیی بوون، ئێمە و یەکێتى بایکۆتمان کرد، ئێستا دواى تاوتوێکردنیان رەنگە بۆیان دەرکەوتەبێت کە لەبەرژەوەندیاندا نییە، ئەوە بڕیارى ئەو لایەنانە خۆیانە".